丸作食茶 (德民街) (已結業)

喺紅磡食完飯，見到有珍珠奶茶當然要買番杯飲啦。雖然，香港嘅珍珠奶茶鋪頭開到成行成市，每一區都有幾間，但其實好多都有佢哋自己嘅特色，所以先會令我哋飲極都唔厭。呢一間嘅特色就係有唔同嘅珍珠，珍珠除咗唔同顏色之外，亦有唔同嘅味道，而且選擇都唔少，如果想試晒都要飲好幾杯先可以。而且，佢嘅珍珠聲稱都係製作無防腐劑和色素珍珠，以食物原材料為天然色素，天然健康！今次我就貪心啲，飲一杯一次過可以試到三款珍珠嘅珍珠奶茶。丸仨醇奶茶呢款奶茶分別包含咗三款珍珠，有焦糖、仙人掌、白玉珍珠。呢度嘅奶茶茶味都幾香。而珍珠就煙韌有咬口，但味道就唔算太突出。珍珠奶茶唔係一般健康嘅飲品，但係呢度用咗天然手作珍珠感覺上就比其他珍珠奶茶健康少少，下次我都會再嚟試吓唔同款嘅珍珠。