影片
更多
2025-04-14
63 瀏覽
📍竺扶大班燒味 CHUKFO Taipan Restaurant 灣仔三角街2-3號華欣閣地下3號舖調職前，一於抓緊尾巴，食盡灣仔名物。今次嘅名物，係竺扶嘅銷魂叉燒皇！雖然已經提前排隊，但最終仍然等咗近半個鐘先有得入座，真係唔可以睇小灣仔嘅lunch hour！其實我大約半年前有食過佢嘅外賣，不過當時唔知佢咁高評價，而且外賣始終唔夠溫度，又焗咗倒汗水，參考價值低，於是我決定即場食一次，睇睇佢係龍定鳳！ 💰$54叉燒燒腩仔飯 🍛要竺扶最出名嘅，一定係佢嘅銷魂叉燒皇！今次拼埋燒腩仔，一碗食晒兩大必食燒味。可能係我期望過高，叉燒的確唔差，不過未去到好好食，講緊我坐落已經係剛剛出爐，但不論口感定味道都只係中規中矩，唔會太燶、太肥、太瘦咁。相反燒腩仔仲好啲，皮真係脆卜卜，鹹遮適中，略嫌脂肪位做唔到入口即化嘅效果，但仍然靠碟芥末拉高咗少少分！飯底都不過不失，唔會太硬或太爛，叉燒汁都幾下飯嘅，但經過今次之後，相信都未必會山場水又遠俾50幾蚊食呢度嘅燒味飯啦
灣仔三角街2-3號華欣閣地下3號舖
調職前，一於抓緊尾巴，食盡灣仔名物。今次嘅名物，係竺扶嘅銷魂叉燒皇！雖然已經提前排隊，但最終仍然等咗近半個鐘先有得入座，真係唔可以睇小灣仔嘅lunch hour！
其實我大約半年前有食過佢嘅外賣，不過當時唔知佢咁高評價，而且外賣始終唔夠溫度，又焗咗倒汗水，參考價值低，於是我決定即場食一次，睇睇佢係龍定鳳！
[價錢 Price]
💰$54
叉燒燒腩仔飯 🍛
要竺扶最出名嘅，一定係佢嘅銷魂叉燒皇！今次拼埋燒腩仔，一碗食晒兩大必食燒味。可能係我期望過高，叉燒的確唔差，不過未去到好好食，講緊我坐落已經係剛剛出爐，但不論口感定味道都只係中規中矩，唔會太燶、太肥、太瘦咁。
相反燒腩仔仲好啲，皮真係脆卜卜，鹹遮適中，略嫌脂肪位做唔到入口即化嘅效果，但仍然靠碟芥末拉高咗少少分！
飯底都不過不失，唔會太硬或太爛，叉燒汁都幾下飯嘅，但經過今次之後，相信都未必會山場水又遠俾50幾蚊食呢度嘅燒味飯啦
張貼
