影片
更多
2025-06-07
592 瀏覽
今日同同事（共5人）去咗龍亭食晚飯。我哋揀咗極品海膽和牛龍蝦十道鐵板燒。我哋唔係坐最靠近鐵板位置嘅吧枱。餐廳分咗兩個時間俾人入座，分別係晚上6點同8點。我哋選擇咗8點果個時間。結果，食到11點，以為自己食緊法國菜，仲要食到成肚火。好啦，我哋準時8點入座之後，一直等到8:30都未有嘢食，等到嘢食黎啦，竟然係開胃菜，酸菜果啲，一碟三味。酸菜個味好似中國啲橋頭。第一道菜，海膽玉子豆腐。不過不失，食完之後，口腔有海膽嘅鮮甜味，我個人幾鍾意。第二道菜，海膽配生蠔加啲三文魚籽（加咗啲用蝶豆花整嘅泡泡）。呢個配搭嘅生蠔其實好多餐廳都有，冇乜特別。我食嘅時候，生蠔唔凍嘅，我覺得有少少腥味。第三道菜，雜菜沙律。用一塊煙三文魚包住啲菜，加咗啲柚子醬同黑醋，同出面食嘅餐廳都係差唔多，無特色，但係就要等好耐先上到菜。第四道菜，海膽溫泉蛋。覺得完全浪費咗個海膽，食唔到海膽味。第五至七道菜就勁啦，燒帶子、鮑魚、龍蝦一齊上（同一個碟）。賣相好肉酸，以為自己食緊茶餐廳。燒帶子縮晒水。燒帶子上面有濃濃海膽醬，搶走晒帶子應有嘅鮮味。鮑魚有兩隻，細細隻。侍應話係慢煮過，仲話溏心鮑魚，但完全唔係果回事。龍蝦啲肉係霉嘅，唔彈牙
餐廳分咗兩個時間俾人入座，分別係晚上6點同8點。我哋選擇咗8點果個時間。結果，食到11點，以為自己食緊法國菜，仲要食到成肚火。
好啦，我哋準時8點入座之後，一直等到8:30都未有嘢食，等到嘢食黎啦，竟然係開胃菜，酸菜果啲，一碟三味。酸菜個味好似中國啲橋頭。
第一道菜，海膽玉子豆腐。不過不失，食完之後，口腔有海膽嘅鮮甜味，我個人幾鍾意。
第二道菜，海膽配生蠔加啲三文魚籽（加咗啲用蝶豆花整嘅泡泡）。呢個配搭嘅生蠔其實好多餐廳都有，冇乜特別。我食嘅時候，生蠔唔凍嘅，我覺得有少少腥味。
第三道菜，雜菜沙律。用一塊煙三文魚包住啲菜，加咗啲柚子醬同黑醋，同出面食嘅餐廳都係差唔多，無特色，但係就要等好耐先上到菜。
第四道菜，海膽溫泉蛋。覺得完全浪費咗個海膽，食唔到海膽味。
第五至七道菜就勁啦，燒帶子、鮑魚、龍蝦一齊上（同一個碟）。賣相好肉酸，以為自己食緊茶餐廳。
燒帶子縮晒水。燒帶子上面有濃濃海膽醬，搶走晒帶子應有嘅鮮味。
鮑魚有兩隻，細細隻。侍應話係慢煮過，仲話溏心鮑魚，但完全唔係果回事。
龍蝦啲肉係霉嘅，唔彈牙，又細隻，而且太燶黑晒。配有龍蝦醬同海膽醬，太濃味，太膩，好失望。
啲醬根本就唔搭啲食物。
第八道菜，海膽A5和牛。海膽好少，牛肉比較多。
基本上唔係好食到海膽味。和牛亦都唔係入口即溶嗰隻。
第九道菜，黑松露海膽炒飯。呢個賣相唔錯，有蝦、海膽，三文魚籽喺飯面。但係個飯真係好韌，食到咀嚼肌變大嘅感覺。
第十道菜，柚子海膽雪葩。呢個真係全晚最好食㗎，因為唔使煮。
總結：呢間餐廳，不可一，不可再。 食啲咁嘅嘢三個鐘，我寧願去返銅鑼灣食禾X昧。
張貼