石鍋堂

營業中

休息中

大家都知道旺角通菜街係聚集咗好多唔同菜式嘅餐廳，但係呢間係專門食石鍋烏冬同埋石鍋飯。有時過咗晚上七點，門口外面都會有好多人喺出面燈位，所以今次專登避開人群，我哋六點就入呢間石鍋堂食手打烏冬啦！💗💗💗雖然呢度地方淺窄，但係石鍋堂又樣我最鍾意嘅服務係每張凳下面都會有個籃，可以比客人放佢哋嘅個人物品，又唔會阻住侍應行出行入。手打烏冬總共有五隻湯底，但係我最鍾意食嘅都係黑蒜油豚骨湯。每碗石鍋烏冬都係冒着煙，湯底就好似水滾咁沸騰，每次我都要等到湯底唔再沸騰我先可以開餐，同時等待既呢幾分鐘入面，黑蒜油嘅香味就會湧入個鼻度。手打烏冬嘅質地都係特別煙韌，我更加鍾意呢種口感！我特別推薦吉列豬扒，厚切豚肉，同埋燒鰻魚石燒手打烏冬。