櫻田日本餐廳

Sakurada Japanese Restaurant
138
18
6
等級4
353
7
2007-03-15 47 瀏覽
因為有要事與友人洽談從長計議,所以要就腳咁搵一個地方傾到偈唔會俾人趕迫埋單。結果嚟咗呢間野…友人叫咗個鯖魚定食。前菜、揚物、麵豉湯、主菜跟一碗飯(唔包甜品)。$120而我就叫咗個天婦羅定食。$150兩個前菜一樣。前菜南山谷咁囉!只係呢度冇咁鹹, bb 拳頭咁多啦!揚物就兩塊蟹柳咁大的牛脷…-_- (我食咗估係牛脷)鯖魚都大條厚肉,22cm 島啦!沾上佢提供o既汁好開胃呀!都鮮味o既~而我個天婦羅定食就強差人意到令我口不攏咀。因為連我食開和fa 亭的平民食肆o既天婦羅都水準好過佢, 個炸漿仲靚過呢度!首先呢度個天婦羅炸漿厚同油,而且溫度麻麻咋喎!有兩件茄子、兩隻大蝦、一舊魚、兩舊南瓜咁多啦!麵豉湯當然係沖劑啦!即味千貨式嗰 d…因為友人係唔食生嘢同納豆嗰類嘢,咁掀勻成本menu 就索性叫個和牛網燒(大約200g = $580) Σ(~∀~||;)冇計啦!唔通叫我一個人食sashimi 咩!?間嘢又唔係多人食,我對佢d 魚生的turnover 有d 保留…佢話係和牛,但我相信比佢更好食的多的是。本來叫medium to rare 就幾好,但無奈個師傅落咗好多照燒汁遮晒d 牛味。原本係幾有牛
更多
因為有要事與友人洽談從長計議,所以要就腳咁搵一個地方傾到偈唔會俾人趕迫埋單。結果嚟咗呢間野…

友人叫咗個鯖魚定食。前菜、揚物、麵豉湯、主菜跟一碗飯(唔包甜品)。$120

而我就叫咗個天婦羅定食。$150

兩個前菜一樣。前菜南山谷咁囉!只係呢度冇咁鹹, bb 拳頭咁多啦!揚物就兩塊蟹柳咁大的牛脷…-_- (我食咗估係牛脷)

鯖魚都大條厚肉,22cm 島啦!沾上佢提供o既汁好開胃呀!都鮮味o既~

而我個天婦羅定食就強差人意到令我口不攏咀。因為連我食開和fa 亭的平民食肆o既天婦羅都水準好過佢, 個炸漿仲靚過呢度!

首先呢度個天婦羅炸漿厚同油,而且溫度麻麻咋喎!有兩件茄子、兩隻大蝦、一舊魚、兩舊南瓜咁多啦!

麵豉湯當然係沖劑啦!即味千貨式嗰 d…

因為友人係唔食生嘢同納豆嗰類嘢,咁掀勻成本menu 就索性叫個和牛網燒(大約200g = $580) Σ(~∀~||;)

冇計啦!唔通叫我一個人食sashimi 咩!?間嘢又唔係多人食,我對佢d 魚生的turnover 有d 保留…

佢話係和牛,但我相信比佢更好食的多的是。

本來叫medium to rare 就幾好,但無奈個師傅落咗好多照燒汁遮晒d 牛味。原本係幾有牛味架!又冇根, 因為我一開始就夾左有邊沾唔到汁o既牛吖嘛!嘥晒囉!too bad…o(_ _*)o

最失望都仲係個飯!珍珠米係咁架咩!?淋bai bai 咁喎!和fa 亭、板前、魚一丁等等都好過晒呢度喎!心情差到drinks/sake/dessert 都唔想叫……

內裡裝條幾好坐得舒服, 幾靜, 傾偈好, 適合談生意, 職員態度專業有禮.

飯後感:有背脊骨落的感覺。唔係俾唔起, 我買件化妝品都唔止…而係收得咁o既價錢但食落肚個感覺同水準係和民feel 咁!

環境係酒店當然酒店價錢, 但又冇景, 拜託食物水準搭夠啦嘛!

我寫咁耐食評甚少劣評一間餐廳, 因為我都唔想無理咁苛刻要求一個大牌檔有酒店水準的食物, 而且我一直都抱住呢個心態去試食!調返轉我唔gur 就係因為俾緊酒店價錢幾乎食到buffet 的價格反而食返平時幾十蚊百零蚊就食到o既水準….

咁我又唔係omit 咗唔睇openrice 就去食喎!而係間餐廳的食評幾年嚟竟然冇劣評…很耐人尋味!

睇咁耐OR,咁事實上香港人係很有不平則鳴的精神,下至地踎茶餐廳,上至nobu 嗰 d 都一樣有網友分享, 但點解竟然一間咁普通的酒店食肆會由我呢個成日偷雞懶寫食評的人嚟同佢開齋!?(我深刻記得咪寫) 咁就由我呢個不幸中招的人分享啦!有份睇o個d 請齊鼓掌我的勇氣……多謝(;^_^A

兩人共789, 因為promo 已八折
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$395