一鍋堂 (大鴻輝(荃灣)中心)

營業中

休息中

一早卜位今日正日生日一行11人去一鍋堂荃灣店食生日飯，由於人數有變，中午便打電話去更改，侍應亦好好，仲問我想唔想要房，只需全部人都要最貴個餐便可以，既然生日飯，就豪小小，最貴就最貴（其實都係278+1）。入座都算快，房間光猛干淨，一黎就上左幾碟好靚既和牛，之後見到咁靚當然要繼續叫，點知越黎就越差,果啲食得落口我都算。。之後比碟肥糕多過肉既牛肉我，點放入口，叫個侍應黎問佢呢碟係咩，都好意思答我係黑毛和牛，之後我話得，呢碟係黑毛和牛，我而家就影底張相留左底先，再同佢講話我唔要呢2碟野，我放唔到入口，然後佢就搵左一個哥哥仔再黎解釋，然後換過啲正常啲既比我地，其實見到咁既樣就唔好拎比客啦影響曬成個用餐體驗其他食物正常，脆鯇腩，魚雲，9菜餃新鮮好食。