影片
更多
2022-02-11
141 瀏覽
呢一間近灣仔會展嘅韓式餐廳，主打自家乾式熟成肉，將精挑細選嘅頂級牛肉放喺專櫃入面至少 28日，令到肉味更加出！一入到去餐廳就見到佢環境裝修好用心，而且私隱度都幾高，坐得又舒服。今次我同朋友兩個嗌左一個$680嘅套餐。一開始有韓式前菜同洋蔥豉油等等，前菜有菠菜、大豆芽同醃漬蘿蔔，如果唔夠食嘅話亦都可以無限添加。泡菜海鮮醃漬卷 可以話係我食過最好食嘅泡菜，泡菜入面有大蝦、豬腩肉，而且個泡菜唔會好辣，係一款好有心思嘅菜式。熟成麻油拌生牛肉醬油盛盒喺香港好少食到醬油蝦，呢一度嘅醬油蝦仲要剝埋殼，好入味。而佢嘅鮑魚亦都好淋身，口感非常之好！再講下佢嘅牛肉配魚子醬，味道好夾。再講下佢呢個打卡一流嘅肉眼！要開始侍應展示左佢哋放喺專櫃入邊嘅熟成肉，再講解以下落嚟食嘅肉眼，包括放喺專櫃入面幾多日等等。而肉眼本身好厚身，脂肪比例接近一比一，店員會好貼心咁幫手燒，咁就唔會驚太熟或者太生！由於肉眼脂肪比例都幾高，所以亦都會提供一啲蔬菜夾住一齊食！之後我哋揀咗冷麵同埋泡菜和牛炒飯，冷麵即使我唔太鍾意食，但係都覺得值得一試，味道清甜得黎，麵身彈牙。炒飯飯粒粒粒分明，味道唔會好鹹，偏油。最後一定要講佢嘅甜品！！俾佢
呢一間近灣仔會展嘅韓式餐廳，主打自家乾式熟成肉，將精挑細選嘅頂級牛肉放喺專櫃入面至少 28日，令到肉味更加出！
一入到去餐廳就見到佢環境裝修好用心，而且私隱度都幾高，坐得又舒服。今次我同朋友兩個嗌左一個$680嘅套餐。
一開始有韓式前菜同洋蔥豉油等等，前菜有菠菜、大豆芽同醃漬蘿蔔，如果唔夠食嘅話亦都可以無限添加。
泡菜海鮮醃漬卷
可以話係我食過最好食嘅泡菜，泡菜入面有大蝦、豬腩肉，而且個泡菜唔會好辣，係一款好有心思嘅菜式。
熟成麻油拌生牛肉醬油盛盒
喺香港好少食到醬油蝦，呢一度嘅醬油蝦仲要剝埋殼，好入味。而佢嘅鮑魚亦都好淋身，口感非常之好！再講下佢嘅牛肉配魚子醬，味道好夾。
再講下佢呢個打卡一流嘅肉眼！要開始侍應展示左佢哋放喺專櫃入邊嘅熟成肉，再講解以下落嚟食嘅肉眼，包括放喺專櫃入面幾多日等等。
而肉眼本身好厚身，脂肪比例接近一比一，店員會好貼心咁幫手燒，咁就唔會驚太熟或者太生！由於肉眼脂肪比例都幾高，所以亦都會提供一啲蔬菜夾住一齊食！
之後我哋揀咗冷麵同埋泡菜和牛炒飯，冷麵即使我唔太鍾意食，但係都覺得值得一試，味道清甜得黎，麵身彈牙。炒飯飯粒粒粒分明，味道唔會好鹹，偏油。
最後一定要講佢嘅甜品！！俾佢嘅Tiramisu嚇親！分量十足之餘，最重要係本身食材質素高，層次分明，係我食過最好食嘅Tiramisu！
張貼
