成都老碼頭火鍋 (已結業)

麻辣火鍋首選一定係旺角間成都老碼頭，佢個麻辣湯底真係不得了！一入門口，個鐘麻辣味已經飄過來🌶️朋友唔食辣，叫咗個鴛鴦鍋。成都原味—唔渣紅油麻辣湯，揀咗小辣，好夠麻香，同埋唔好以為小辣冇乜嘢，越煲越難去到後期勁正😆另一邊鮮淆豬骨湯，有冬菇、火腿、大蔥等配料，清清哋都唔錯😌.雪花肥牛油花分布平均，a級五花肉層層分明。老友鬼鬼（油炸鬼加墨魚滑），索晒啲湯好正！脆炸午餐肉&現炸酥肉都係必食，浸一浸湯就食得，好香脆！手工白菜餃夠飽滿，萵筍條好清脆，林尾再食返個紫薯寬粉，好Q彈😚.呢度裝修好有中國風，同埋坐得好闊落。醬料吧可以整四川油碟，配麻辣火鍋食一流！仲有時令生果拎！過咗九點後入座，仲有六八折，勁抵！