熊貓小雲吞 (西九龍中心)

營業中

休息中

我同敏仔都係熊貓小雲吞嘅老客戶啦，平時想食吓手工涼皮同雲吞，我都會揀呢間，分店夠多，性價比高，味道仲唔錯添。敏仔最鍾意佢哋嘅粟米豚肉一口雲吞，貪佢一啖一粒，仲有唔同嘅湯底揀，我哋眼見附近幾枱嘅小朋友都係點呢一款粟米小雲吞。一口粟米豚肉小雲吞湯底有辣有唔辣，我哋揀咗清湯係魚湯嚟嘅，另外仲有蝦皮紫菜湯、蕃茄湯、麻辣湯及酸辣湯。手工涼皮酸酸辣辣嘅手工涼皮，涼皮口感煙靭帶有些少爽口，感覺好清爽，加上青瓜、黃金豆及辣菜脯，風味十足。鹽焗手撕雞小食鹽焗香味加上芝麻粒，雞肉嫩滑，老少咸宜。氮氣雪梨茶非常清新，但有些少梨的香氣。食評總結：因為我真係好鍾意食黃金豆，最後我都買咗一樽返去。而食物方面，性價比超高的熊貓小雲吞，除咗一口豚肉雲吞，涼麵都好食，見到冰粉都好吸引，不過太飽啦，下次會再嚟食。