宴 尖沙咀

夏天都過左大半，好想去旅行啊......無得去旅行，唯有食下其他地方既菜色望梅止渴啦。其中一個想再去既就係沖繩，所以上網搵左依間有得食沖繩料理既餐廳～我地諗住早依少啲人，估唔到6點半未夠依度已經差不多一半滿😝餐廳既調味盤上見到我地曾經係沖繩買返香港既辣椒油😘前菜係北寄貝，好鮮甜彈牙，配著甜甜既生洋蔥，好岩佐酒🍻宮崎牛豆腐壽喜火鍋 宮崎牛係沖繩既特產之一，色澤具油光，脂肪分布平均又靚。再配以洋蔥、鮮東菇大蔥、豆腐、蔬菜等令到壽喜光既湯更鮮甜～宮崎牛肉質軟又甜，充滿濃郁既甜牛味！好快溶化😘沖繩香腸拼盤濃郁豬味，好juicy,每咬一口都有啖啖肉，肉汁浸出👍🏻佢有三款，一款係豬肉、一款係雞肉、一款具煙薰味，食完齒頰留香😁而且肉質彈牙，配上自家磨既芥末，非常地道又具誠意！冷茶麵拌山芋醬冷茶麵好有嚼勁，加埋山芋既獨特口感，非常出色！配上涼快既冷麵汁，和生蔥絲既香，非常爽快好味！桃味啤酒顏色比梅既深少少，紅少少，飲落口散發著陣陣桃香🥰So sweet, 好岩女仕飲呢～梅啤酒酒未飲已經聞到梅味，飲落好香梅香和梅既甜味😘PS ，我見到有日本人黎依間餐廳食野呢～