影片
更多
2021-05-12
98 瀏覽
同老友約喺旺角 鍾意打卡又鍾意打邊爐聽講呢間「火水爐」 任食來講質素唔錯book位指定日子食仲有85折一於就試吓舊香港裝修 戲院大押真火水爐啱哂打卡連啲檯同碗碟都係懷舊風味 相當有心思 叫咗最貴嘅套餐 可以任食安格斯牛小排呢個餐湯底任揀 揀咗花膠雞湯飲落好正醬料都係港式 有莞茜蔥金銀蒜辣椒沙茶食物選擇唔算少 平均質素同服務都抵讚- 🐾安格斯牛小排任食放題🐾 $279-⧫餐前小食⧫剛坐低劃紙仔就奉上小食 熱辣辣嘅炸物炸魚蛋燒賣好港式風味 怕飽肚小嚐一下- ⧫湯底 - 濃厚花膠雞湯窩⧫港底火鍋嚟講 呢個湯底算係我至愛之一淥嘢食之前飲番啖靚湯 係一種養生享受湯底呈奶白色 面頭浮住少少黃色嘅雞油雞件好多目測起碼有半隻 煲淋咗出哂味所以湯底飲落頗濃郁 仲有又大又厚花膠湯入面有白蘿蔔 令熬出嚟嘅湯變得清甜欣賞佢並唔會過濃過杰 否則夏天食好膩-⧫牛 - 安格斯牛小排 / 牛頸脊 / 牛板腱⧫呢個餐有四款牛揀 唔同口味嘅人都啱食牛小排油花最豐富均勻 軟嫩到幾乎化開牛頸脊肥瘦均勻有牛味 朋友最鍾意呢隻 牛板腱瘦啲食落唔錯 幾款牛質素都幾好-⧫火鍋料 - 港式 / 餃 / 丸 / 菜類⧫其他配料都唔少 例
聽講呢間「火水爐」 任食來講質素唔錯
book位指定日子食仲有85折一於就試吓
舊香港裝修 戲院大押真火水爐啱哂打卡
連啲檯同碗碟都係懷舊風味 相當有心思
叫咗最貴嘅套餐 可以任食安格斯牛小排
呢個餐湯底任揀 揀咗花膠雞湯飲落好正
醬料都係港式 有莞茜蔥金銀蒜辣椒沙茶
食物選擇唔算少 平均質素同服務都抵讚
-
🐾安格斯牛小排任食放題🐾 $279
-
⧫餐前小食⧫
剛坐低劃紙仔就奉上小食 熱辣辣嘅炸物
炸魚蛋燒賣好港式風味 怕飽肚小嚐一下
-
濃厚花膠雞湯窩
6 瀏覽
0 讚好
0 留言
⧫湯底 - 濃厚花膠雞湯窩⧫
港底火鍋嚟講 呢個湯底算係我至愛之一
淥嘢食之前飲番啖靚湯 係一種養生享受
湯底呈奶白色 面頭浮住少少黃色嘅雞油
雞件好多目測起碼有半隻 煲淋咗出哂味
所以湯底飲落頗濃郁 仲有又大又厚花膠
湯入面有白蘿蔔 令熬出嚟嘅湯變得清甜
欣賞佢並唔會過濃過杰 否則夏天食好膩
-
安格斯牛小排
8 瀏覽
0 讚好
0 留言
⧫牛 - 安格斯牛小排 / 牛頸脊 / 牛板腱⧫
呢個餐有四款牛揀 唔同口味嘅人都啱食
牛小排油花最豐富均勻 軟嫩到幾乎化開
牛頸脊肥瘦均勻有牛味 朋友最鍾意呢隻
牛板腱瘦啲食落唔錯 幾款牛質素都幾好
-
⧫火鍋料 - 港式 / 餃 / 丸 / 菜類⧫其他配料都唔少 例如有水魷鵝腸牛栢葉
豬潤豬肚豬紅豬皮粉腸 仲有餐肉腸仔等
款式相當地道 簡直可以整碗車仔麵出嚟
菜呀菇呀餃呀丸呀都唔少 唔飽仲有粉麵
我同姊妹一致覺得鵝腸最正 新鮮又爽口
紫菜響鈴又脆又香紫菜味 都係必試之一
雲吞同魚皮餃質素都唔錯 餡多又夠大隻
-
⧫飲品⧫
有汽水 同罐裝蔗水菊花茶清涼茶冬瓜茶
偏甜沒有飲太多 加錢會有其他特式嘢飲
張貼
