杜老誌大飯店 (已結業)

位於灣仔嘅杜老誌大飯店裝修以老香港情懷為主題，懷舊場景包括麻雀館、機舖、士多、夜總會等，仲有五光十色嘅霓虹招牌，食嘢嘅同時仲可以打卡添！近期餐廳就推出全新餐牌，改為火鍋餐廳，作為打邊爐控嘅我哋一於嚟試試！大紅袍麻辣鴛鴦湯所謂鴛鴦湯即係大紅袍招牌麻辣湯同台式養生美人鍋，呢個麻辣湯嘅麻香味就十足，但一啲都唔辣，味道偏淡；相反台式養生美人鍋嘅藥材味香濃，好有層次。手切封門柳店員推介我哋食封門柳，賣相確實唔錯！雖然油花唔多，但肉味好香濃，輕輕一淥，轉色就食得！牛脷托牛脷份量好多，而且厚薄適中，口感豐富，肉味又香濃，唔錯。沙嗲豬頸肉豬頸肉預先用沙嗲醃過，淥熟咗之後，味道層次大大提升！至於豬頸肉嘅肉質爽口，真係好滋味呀！蟹籽墨魚滑墨魚滑入邊有唔少墨魚粒粒，頸彈牙！水魷水魷全部都係魷魚鬚，放入去麻辣湯底，索少少辣汁，就更加惹味！蘿蔔相反蘿蔔就放喺台式養生美人鍋，將蘿蔔嘅鮮甜味帶出！