杜老誌大飯店 (已結業)

經過幾次羣策大廈, 見到不停有上班族上去食 lunch, 唔知點解對 "杜老誌" 哩個名稱好鬼吸引我, 見鄰近華嫂又排滿人, 浩記D出品又無那那咸到痴線! 世伯雞冷氣不足, 於是轉場上去杜老誌睇睇.原來每層有不同餐廳, 聽個名羣策飲食廣場以為係 Food Court 一層有好多間食巿㖭, 最終, 都係上咗7樓杜老誌大飯店.午飯快餐點咗個雙重芝士忌廉焗蜆肉雞扒, 凍O茶少冰.優點:1, 環境超正, 霓虹光管堆砌出舊香港風味. 一流!2, 冷氣充足, 座位充足舒服.3, 上餐速度極快.4, 雙層芝士足料, 雞扒口感鬆軟 juicy 唔柴口.缺點:1, 台灣節目 wto 姐妹會曾經指出, 香港D茶檔服務很差, 催促趕命, 想話睇清楚份 menu or 問多兩句即時黑面, 杜老誌就係咁, 問多兩問黑臉! 服務態度唔合格.2, 黑面之餘, 單又俾錯 (有相有真相,無叫星米但單上有星米!), 餐又俾錯, 原本隔離枱嘅意粉俾錯咗我, 我話未食過, 原食客為免安全拒絕接收, 正常嘅, 我都唔要啦!3, 價錢唔平!4, 雞扒重手咗少少, 減咸更惹味.有機會想試試佢地晚餐小菜質素.…Read More

和一班舊同事聚餐，揀咗呢一間，因為唔限時。入到去環境好懷舊，好正，又唔逼，呢度大約有三個職員，一個紮短馬尾的姐姐（沒有戴眼鏡，非常之好服務👍👍，另一個紮長馬尾就……😪，仲有一個男經理，非常之細心，真係要贊佢👍👍👍，因爲我哋準備落紅薯粉，佢就叫停我地，然後攞咗一個淥粉麵嘅（網）畀我哋放入去先烚，因為紅薯粉比較難夾，用咗個網兜住就好好多👏👏！真係好多謝佢……佢真系好nice😊😊！埋單仲有驚喜😁😁食品方面都唔錯，好大碟下，價錢又唔太貴！可惜試唔到脆肉鯇😞！下次會再去😍…Read More

環境衛生，地方大、懷舊特色。疫情下時間做到12點適合去夜街嘅我哋。食物新鮮。灣仔去方便.朋友相聚好去處，經理好好人，我們坐到最後一枱也沒有催促我哋離開，有賓至如歸嘅感覺。下次一定再幫襯…Read More

晏晝同同事唔知去邊度食諗起好似好耐都冇去過群策大廈嘅杜老誌大飯店食嘢, 今日見到午餐餐牌嘅嘢食幾啱胃口, 於是就揀咗呢間<XO醬粒粒餐肉蝦仁炒滑蛋飯>大食妹嗌咗XO醬粒粒餐肉蝦仁炒滑蛋飯:)XO醬粒粒餐肉蝦仁炒滑蛋飯係即叫即整嘅, 晏晝可能要等一陣, 但勝在夠鑊氣滑蛋炒得又滑又香, 有蛋汁裏面嘅粒粒餐肉同蝦仁份量都唔少, 唯一比較遜色嘅係XO醬唔夠香但加入甜豉油, 令成份碟頭飯升咗一個level<沙嗲金菇肥牛飯>同事就食咗沙嗲金菇肥牛飯係正宗嘅港式沙嗲金菇肥牛呀可惜金菇肥牛偏少, 只有面頭嗰浸, 下面全部都係芽菜<熱咖啡>熱咖啡幾濃郁, 但上面有好多點黑色嘅咖啡渣…Read More

之前喺IG見朋友去咗間裝修好特別嘅餐廳，一問之下發現原來係位於灣仔嘅「杜老誌大飯店」，齋睇餐廳名真係唔知呢度係食打邊爐🥢。我哋一行三人星期五晚去咗幫襯，好彩有訂位，因為全場爆滿，Walk-in嘅話要九點後先有位，人氣超高👏。呢度環境比睇相更正，絕對值得嚟到訪兼打卡📸。餐廳提供各式火鍋湯底同配料🍲，我哋叫到一枱都係，但價錢其實唔算好貴，因為全部都大大碟。大紅袍招牌麻辣鍋($108)，麻辣鍋好震撼，血紅色嘅湯底鋪滿辣椒同花椒等配料🌶，開頭食都幾爽，麻味又夠。但愈滾愈唔對路，因為愈食愈辣，我同其中一個朋友都頂唔順，係咁灌嘢飲🥵。最終我哋忍唔住問女店員可唔可以俾啲滾水溝淡佢，點知佢超好人，幫我們換咗個清湯出嚟🙏🏻。多得佢嘅幫忙，我哋先可以繼續烚吓烚吓。手切封門柳($198)，封門柳好大碟🥩，我諗碟中有超過廿片，而且每片大小厚薄適中，唔會碎濕濕。封門柳嘅紋理平均，肉味極為濃郁，口感富有彈性，高質！招牌五寶丸($98)，手打丸係必食推介🍢，唔好睇佢細細粒，每款各有特色，而共通點係爽彈。五寶丸包括牛筋丸、墨魚丸、梅菜豬肉丸、蝦丸同埋鯪魚丸，每款兩粒，我全部都要❤️。鬼馬蝦膠($68)，佢嘅造法有啲似春風得意腸，將蟹籽蝦膠釀入油炸鬼內。🦐蝦膠鮮味彈牙，但個人就唔太鍾意將油炸鬼放湯，因為比較油膩。沙嗲豬頸肉($60)，🐷豬頸肉有好多條，沙嗲醃得好入味，但始終用泰式燒烤整法會香口啲。牛脷托($60)，👅牛脷都OK，超碼有成十片八片，淥完肉質都無變韌。萵筍片($35)，萵筍正常啦，不過都翠綠嘅💚，但我認為片薄啲會更好食。椒鹽粟米($52)，打邊爐以外，我哋仲嗌咗樣小食。🌽粟米用椒鹽爆香，鹹鹹哋又甜甜哋，同時亦不乏辣味，或者用避風塘口味嚟形容都幾適合。飲品項目並無列於餐牌上🥤，不過餐廳係有賣自家製嘅清熱飲品，分別係酸梅湯同竹蔗茅根。每榨售賣$35，我認為都算幾抵飲，而且佢哋仲救咗我一命，幫手滅火🤣。留意返⚠️，餐廳收取醬油費($15/位)同前菜費($20/碟)，並設有加一服務費，所以夾夾埋埋計的話，雜項費用都唔少啊。總括嚟講，呢間餐廳各方面都令人滿意👍，食材質素不俗，定價亦都係合理水平。女店員服務貼心，值得再次表揚。最後，我當然會同大家分享埋餐廳嘅餐牌同環境相片啦😜。嚟呢度打卡定打邊爐？Why not both😍！題外話，餐廳連洗手間都係咁打卡Able🚻。…Read More

政府出咗消費券,難得政府請食飯,一於約埋三五知己去大吃一頓!🤤🤤🤤朋友推介去灣仔杜老誌道群策飲食廣場7樓杜老誌火鍋飯店吃火鍋,估不到一出電梯即有驚喜!☺️☺️一出電梯被以80年代光輝歲月嘅杜老誌夜總會和一些懷舊裝修所吸引,燈光五光十色,急不及待舉起相機打卡一番!😍😍坐下當然急着落單啦! 火鍋湯底都有好多選擇,豆腐湯做湯底係我喜歡的選擇再點了溫室翡翠苗,招牌三拼餃,澳洲和牛丸,芝士墨魚丸,鬼馬蝦膠,黑栢葉,西班牙豬肉,桂花蚌,靈芝菇,紫菜響鈴🤤🤤🤤澳洲和牛丸入口彈牙,細意咀嚼滿口和牛香,又帶點牛筋咀嚼有口感,真的必食之選! 再試一口芝士墨魚丸, 墨魚肉和芝士都是一種非常好嘅配搭,入口有墨魚煙韌鮮甜嘅味道再加上芝士嘅濃香,真的要畀個like!😍😍😍😍再來鬼馬蝦膠,用油炸鬼釀上新鮮嘅蝦膠,再加點蟹子增加鮮甜的味道,入口一流!招牌拼餃一定要推介俾大家,尤其是黑松露肉蟹餃,入口滿口松露香,😍😍😍😍必食之選!推薦畀大家吃到最後加個泡飯,食法係將啲飯放入一個器皿然後放入湯底將食材蔥芫茜同埋雞蛋攪拌煮吃,真有另一番吃飽飯的風味!飯店還有很多美味食材未嘗試過,一定要再來大吃一番!🤤🤤🤤…Read More

呢間裝修好有昔日香港繁華夜生活特色的火鍋店，主打高質海鮮肉類等打邊爐食材，價錢屬中上；我們一行3人晚飯埋單超過$1200，但一分錢一分貨，碟碟都是新鮮好料，尤其龍蝦上桌時仲好生猛喺度郁緊，鮑魚、桂花蚌好鮮甜，鱔片肉鮮口感油潤，封門柳牛味濃郁；鬼馬蝦膠都好好味、油炸鬼烚完仲保持香脆可口，我們對呢餐打邊爐印象極佳Back in the bustling time of 80s & 90s when you step inside this steamboat restaurant. Luminous neon signs of nightclub, pawn shop, sauna & game shop, the hot-pot spot reflects the wealth & trademark nightlife in Hong Kong style of the past decades. Waiters/waitresses are all dressed in traditional white uniform of "Cha Chaan Teng" "Kei Tong" to take your order Gathering around the simmering pot , we love chatting, eating, drinking & having fun. This restaurant has a great variety of fresh & premium ingredients, simply dip these goodies with soy sauce, garlic & scallion, everything is pure scrumptious We had ordered:Roadside Pork Bone Broth/路邊豬骨湯South African Abalone/南非鮑魚 Lobster/龍蝦Giant Clams/桂花蚌Sliced Eel/白鱔片Fried Dough Stick with Shrimp Paste/鬼馬蝦膠Hanger Steak/手切封門柳Iced Whelk/冰鎮螺片Assorted Meatball Platter/招牌五寶丸Greenhouse Emerald Seedling/溫室翡翠豆苗Sugar Cane Drink/竹蔗水杜老誌大飯店 Tonnochy Restaurant…Read More

杜老誌大飯店(灣仔)#同朋友去完灣仔行街,朋友話試下呢間火鍋店。佢話呢間火鍋店之前是經營大排檔經典菜式,最近就正式轉型為火鍋餐廳營業,所以要試下。#我哋乘坐玻璃電梯上到七樓,可期間可以欣賞下銅鑼灣的景色,餐廳啲裝修另我大開眼界,出現了很多80年代的經典懷舊場面：例如麻雀館、桑拿中心、士多、機舖和夜總會等等,四周還掛滿了五光十色的霓虹燈招牌,很有懷舊氣氛。#坐下來店員先送上酸辣青瓜和鹽焗花生,最愛吃爽脆的花生。1）豆腐清湯$82：呢度嘅湯底款式多,今次叫咗個豆腐清湯,豆腐切成一片片,白色嘅湯底清清地,但卻很清甜。2）火鍋海鮮船(2位）$388：大大隻的火鍋海鮮船搬到我們跟前,簡直令人目不暇給,有大蟶子、大鮑魚、大蟹、脆肉鯇、鱔和花甲,蟹膏充滿在蟹蓋上,而且蟹肉大大舊,肉質非常鮮味；鮑魚和虾夠大隻,肉質爽口彈牙；花甲細細粒,但味道鮮甜；鱔片和脆肉鯇大大塊,夠新鮮,顏色晶瑩剔透,而且切得厚薄均勻,肉質嫩滑爽甜,肥美結實,非常彈牙！入口帶有點魚油脂的香味,建議大家真係要試下。2）鬼馬蝦膠$68：在打得非常香脆的油炸鬼內,釀入蝦膠,虾膠上上鋪滿蟹子,做成視覺上的享受,吃進口裏,油炸鬼依然鬆脆,虾膠彈牙,配去上粒粒的蟹籽,更有口感,味道不錯❗3）粉絲$25：粉絲彈牙有咬口,吸收了湯的精華,非常滑溜,但又不會過腍,實在是美味到不得了❗…Read More

最近同屋企人黎左一間勁懷舊風情嘅打邊爐店，餐廳佈置好靚，有大大少少嘅燈光招牌都可以打下卡😍連d碗碗碟碟都好懷舊😌睇下餐牌先，有唔少特色湯底，我地揀左豆腐清湯，豆腐白白滑滑🥰醬油配料方面都幾多可以揀，大家可以跟據自己的口味去調配😎仲有酸菜可以食😋睇返火鍋嘅配料先🤤其實都幾多靚料可以揀，我地叫左以下😎🌸醉雞件（半隻）雞件用左花雕酒同醬油醃過，食落都有酒香味，同埋雞件都幾滑😋🌸安格斯牛頸脊，e碟牛堅係靚，油花分佈均勻👍🏻口感好嫩，味道香濃。🌸五寶丸，全部都係手打丸黎🥰入面有牛筋丸，墨魚丸，梅菜豬肉，蝦丸，鯪魚丸🤓墨魚丸同蝦丸勁鮮味同彈牙。🌸油麥菜，萵荀，淮山，蔬菜好新鮮，萵荀同淮山都吸收哂湯汁嘅味道。🌸稻庭烏冬好滑溜🥰…Read More

上網見到呢間火鍋店幾有特色 有陣時喺OpenRice訂位仲可以送活魚刺身 火焰花甲湯 $138特色嘅湯底，有夥計特登過嚟點火之後炒熱個鍋，之後先至落湯，湯底有淡淡酒香🤩火鍋海鮮船 (4人份) $768入邊除咗有蝦 蟹 魚 蜆 蟶子，仲有我最鍾意嘅鮑魚，仲要係來貨唔平嘅南非鮑魚安格斯牛頸脊$248肥瘦均勻有雪花，2-3秒其實就已經可以食，肉味香濃。本地手切肥牛 $298比起牛頸脊會多少少肥嘅部份，但係淥完之後個陣牛肉回甘味😍😍珊瑚蚌 $108新鮮唔腥，淥10-20秒之後食，爽脆鮮甜，完全唔會有任何海鮮腥味😚醉雞🐔半隻 $98用滿滿既酒浸住啲雞，雞肉嫩滑唔鞋口，入口有酒香👍鴨血 $68煙靭有口感，而且同湯底個味好夾，入口滑嘟嘟，好味😋翡翠苗 $48雖然叫咗幾種菜但係點解會寫翡翠苗，一來係好少食呢種菜，二來佢個質感幾特別，所以都特別推薦✌🏻仲叫咗好多嘢，都寫唔晒😂 最正就係叫一支Hoegaarden 仲會送一份安格斯牛肉刺身，牛肉肉質鮮嫩，唔會有腥味😋雖然價錢唔算太平，不過一分錢一分貨 ，呢度既質素真係唔差，值得一試💪🏻…Read More

今晚約了由細玩到大的巴打去食晚飯，知道他喜歡烚下烚下，就訂了灣仔的杜老誌飯店！杜老誌飯店的裝修主題是懷舊香港，下次要再帶爸媽來，相信他們會好興奮！每處都可以打卡！多款不同湯底，我們選了沙嗲湯底，好香好惹味，食慾大增！火鍋材料選擇非常之多，各種靚牛，海鮮，不常見的食材都有，符合各人口味！另外還有熟食小食，我們喜歡香口，點了個即炸鯪魚球，濃味又惹味的蜆芥，鯪魚球細細粒，一口一粒，鯪魚肉真材實料！好新鮮的鴨血，口感嫩滑，鮮味！十分推介脆鯇片，我覺得超值，因為每塊魚皮都大大片，無骨，不像有些地方會薄到快穿，口感好爽脆，充滿魚味！黑柏葉爽口！見到有黃喉非常興奮，份量也比想像多，在滾的時候下，十幾秒就食得，超級爽脆！口感愛好者必試！蒙古羊肉片肥瘦均勻！澳洲和牛丸同樣高質，一咬落去就知道，因為好彈牙，而且有汁，不錯！因我們都愛香口，點了自製炸魚皮當小食，也可放湯，一食就知不是現成買放了很久那種，是現炸的，有厚度同時不失鬆脆，非常之好！整體食材都出色！…Read More

周末同屋企人響灣仔附近行街，夜晚屋企人話想試下D舊式大排檔，懟下大啤酒，跟住我就上網幫手揾下附近有咩正嘅大排檔，search下見到一間個名叫大飯店嘅餐廳，單聽個名已經feel到係行懷舊路綫，而且從相黎睇佈置非常吸引，心唸老一輩嘅屋企人實會好中意。呢間大飯店其實就係銅鑼灣同灣仔港鐵站中間，出咗地鐵站，大概路程10分鐘左右，但只係一條直路，唔算難揾，係一棟大廈嘅7樓。入到大飯店，真係眼前一亮，好似穿越翻到去就香港，D佈景好有心思，有賭場、麻雀舘、桑拿房等等，可能我自己唔係出生係呢個年度，呢D舊式場景E加香港真係好難揾到，我净係響香港80年代或90年代嘅電影入面見到，我嘅屋企人就當然超級興奮，話好懷念以前舊香港嘅味道。講翻野食方面，呢度火鍋湯底有好多可以選擇，我近排可能個人有少少熱氣，就撿咗豆腐清湯，清淡D都更加可以食到食材嘅原汁原味,火鍋食材上就海鮮、肉類同蔬菜基本上都好齊全，比較令我感興趣嘅位係除咗D大路來貨料，都好多手工製作嘅食物，睇得出餐廳響食物出品同創新方面都有一定要求。打邊爐點除左湯底緊要，個醬都係一大關鍵，呢到用黎溝醬油又唔係花生用或者麻油，居然係自己提煉嘅葱油，呢個認真超級大驚喜，我打邊爐咁多年都係第一次用葱油做醬，葱已經炸到顔色好深，應該D味道都炸咗落曬D油到，可以話係邊爐絕配，起到一個增香嘅效果，葱油香味極濃，可以話任何食材點一點呢個葱油都加分唔少，我超中意食。果然D自家製野就最有特色亦都最好食，我覺得最好味就係手打牛筋丸同芝士蝦丸，手打牛筋丸唔算大粒，亦都唔係主打彈牙，而係走另一條路綫，其實好多出面食到嘅牛筋丸都係得個爽口，味道欠缺，但呢度嘅唔同，牛肉味同牛油香味都好夠，響口腔入面爆炸，好香口，好美味，感覺食緊口感好正嘅上等牛肉咁；而蝦丸個特別位就係做個細緻，唔係簡單咁外面蝦肉，包住中間嘅芝士呢種出面經常出現嘅做法，而係細細粒，入面D芝士唔多，但係比較平均分佈響蝦肉入面，可蝦丸融為一體，食起身先係食到蝦肉嘅鮮甜味，再係芝士淡淡嘅奶香味增香，整體感覺有層次得黎又更融合。至於其他食材，就都算幾新鮮，無乜雪藏野，水準都同類火鍋店黎講，出品算唔錯。呢間大飯店呢好多手工製作嘅食材真係睇得出有花心思，唔係為創新而創新，值得一贊。我地一家人都食得好開心，勾起曬我屋企人對舊香港嘅情感同回憶，成餐飯，老一輩嘅屋企人都係咁同我分享以前嘅“威水史”，睇得出佢地真係好享受呢一餐晚飯。…Read More

今日朋友帶左我黎灣仔打邊爐，聽朋友講呢到最近先轉左做火鍋，一入到嚟感覺好過癮， 全部都係霓虹光管招牌，好有懷舊feel職員安排我地坐低左，首選比左個調味盤比我地混好醬料先啦，跟住就好細心介紹餐廳既鍋底同埋特式火鍋食材比我地，見到除左火鍋配料之外，仲有好多款小食可以選擇，真係唔錯肉類方面，我地係牛魔王當然要揀返碟靚牛啦，最後揀左手切封門柳，食落好重牛肉味，而且好嫩滑，另外，仲叫左一份羊肉片丸類，餃類方面，揀左5寶丸，貪佢每款丸都有，可以一次過試晒，而餃類方面，就揀左招牌餃(即係黑松露肉蟹), 食落好香黑松露既味道，好特別其他火鍋配料，我地仲叫左珊瑚蚌，黑柏葉，墨魚滑。。質素都唔錯…Read More

杜老誌大飯店灣仔杜老誌道6號群策大廈7樓之前係網上面見到好多人黎呢間餐廳打邊爐，見到呢到既環境好特別，成間餐廳入面每邊牆身都擺左唔同既霓虹光管廣告燈箱，所以專登帶埋屋企人黎幫襯下，一入到黎感覺真係好似返到80年代既老香港咁，非常特式，岩晒鐘意打咭既朋友仔知道餐廳之前好似係食小菜既，最近先轉左專做打邊爐，見到火鍋配料既選擇都好多，而且仲有好多新鮮既海鮮同埋刺身可以揀，而湯底方面我地就揀左最大路既沙嗲湯底，待應送到埋黎已經聞到好濃郁，好正手切封門柳對於無牛不歡既我，打邊爐當然要揀返碟靚牛啦，今次試左呢到既封門柳，牛肉切得好薄，而且肥瘦均勻，係湯到拖一拖水已經食得，好鮮嫩招牌餃呢個招牌餃原來係黑松露肉蟹餡料，真係第一次試原來出奇地夾，碌熟左既餃都依然保持到好重既黑松露味道，屋企人本身唔鐘意黑松露既都話覺得正五寶丸分別有牛肉丸，蝦丸，墨魚丸，鯪魚，食得出全部都係餐廳自家製作手打丸，好有誠意係外面餐廳絕對搵唔到鮮鵝腸鵝腸既份量都幾多，而且好新鮮，只係灼一灼已經熟，爽口嫩滑，值得推介海中蝦滑呢個絕對係真材實料，蝦滑入面真係有原隻蝦肉，食落好鮮味…Read More

好耐冇打邊爐🍲啦 今次同姊妹去左間走懷舊路線嘅火鍋店 名乎其實嘅飲飽吃醉😍沙嗲湯底唔會太濃味，但都食到沙嗲嘅香味，唔怕會好邪惡叫左咁多野食，右下係西班牙豬肉切到好薄，油脂分布平均，襯埋沙嗲湯底食好惹味仲叫左墨魚🦑滑，有粒粒蝦籽，墨魚十分爽滑，打邊爐一流海帶食落勁爽口，有淡淡海水🌊味，幾特別蜂巢豆腐打邊爐必食！！！可以吸曬啲湯汁🤣🤣食落勁有口感，冇響鈴果啲咁油，唔會好邪惡最後叫左3大杯hoegarden啤酒🍻，好盡興啊…Read More