十下火鍋

📍依家真係食打邊爐都可以打卡！呢間餐廳用咗以前80-90年代嘅舊屋邨風格做裝潢，諗起以前去嫲嫲屋企既感覺😂而且仲一直播住嗰陣時年代嘅歌，幾有風格！🍴二人套餐 $656呢款套餐可以唔使加錢揀鴛鴦湯底，我哋揀咗滋潤木瓜蕃茄鮮魚湯同胡椒豬肚湯，鮮魚湯用咗半條魚尾熬製，煲滾咗約10分鐘後就可以撈上嚟食得！胡椒豬肚湯鹹香味十足，加上用咗大量胡椒，辛辣感幾強，喺呢邊湯底淥配料，基本上唔使點醬料就咁食得。🍴肉類包咗碟手切本地牛頸脊同花雕醉雞，牛頸脊真係超新鮮而且油花十足，食落爽滑牛味又濃郁～花雕醉雞都好香花雕酒味，不過我哋淥得太熟了就有啲韌😐🍴配料會有三寶滑(髮菜蠔豉牛筋滑、鹹蛋黃墨魚滑同蝦籽蝦乾蝦滑)、鳳城水餃、麻辣鴨血、蔥醬爆貢丸、陳皮魚蛋、蔬菜拼盤同響鈴，真係超多野食，2個人都食唔完！最有特色就係牛筋滑，真係第一次試，食落口感比蝦滑同墨魚滑更彈牙，同有啲似酒樓點心牛肉球嗰陣味，店員仲會過嚟幫手淥，服務幾好。飲品可以加$15升級一呈冬瓜茶、酸梅湯或洛神花茶，我哋揀咗洛神花茶，清甜帶點酸味，好適合打邊爐飲！