粗菜館

營業中

休息中

黎九龍城唔一定食泰國菜嘅，呢邊都有好多中式小菜館好多人推介，今日就試呢間，除咗有小菜食之外仲有生滾粥。店舖坐位用木枱，而且玻璃鏡上有好多簽名，別具特色。《麻辣秘製鮮雞煲》$138雞煲十分有川香，雞件食落去啖啖肉，而且雞肉好滑，又夠入味，亦都唔會食落好鹹，辣度方面可以再辣啲，整體好唔錯。《蜆蚧炒牛肉》$78牛肉份量多，而且煮得夠林，識落唔韌唔孩，不過略嫌汁有啲多，醬汁味道偏甜少少，不過幾抵食，送飯一流。《蠔仔煎蛋》$88煎蛋唔油膩，煎得夠香，而且蠔仔份量好多，亦都新鮮肥美，唔錯！ 總括嚟講，價錢唔貴份量OK，下次試埋粥！