影片
更多
2025-05-20
83 瀏覽
之前係觀塘返工，做咗全職媽媽後，好耐冇踏足過觀塘啦，原來依家變化好大，多咗好多餐廳🍴。約埋舊同事黎咗觀塘一齊食嘢，第一次黎呢間冰室，叫咗兩個lunch set、一個tea set，都幾抵食呀👍🏻 餐廳由酒店星級廚師坐鎮 ，特別係甜品好有驚喜😍💕Lunch set包咗主食➕餐湯➕飲品🥤，原條蒲田燒鰻魚蛋包飯🍚灑上少量木魚碎係鰻魚上，原條鰻魚煎香，淋上鰻魚汁，配埋蛋包飯一齊食，送飯唔錯。餐湯：羅宋湯🍲黎冰室點少得羅宋湯呢，酸酸地好開胃，味道偏濃嘅。即磨薯蓉焗法國田螺超抵食，跟set加$12蚊，就可以食到田螺，焗完熱辣辣上碟，趁熱食，薯蓉creamy夾埋田螺爽口口感，上碟時仲附送埋番茄醬，沾少少番茄醬又唔同味。紅豆冰🥤紅豆冰飲出黎係一種情懷，落單時mark咗多奶，攪勻後再飲，奶味同紅豆融合一齊，香滑嘅味道，總係令人諗起細個同屋企人去冰室飲嘅紅豆冰🥤美國費城烤西冷配野菌配薯菜🐮西冷塊扒都幾大塊，軟腍易切，沾少少黑椒汁黎食，入口啖啖肉，冇咩筋位，呢個價錢食到咁大塊扒超值。
招牌自家製芒果布甸🍮芒果味突出，布甸滑捋捋嘅口感，奶味好香好滑，跟餐加$12蚊食到咁好味嘅甜品，真係好平呀！咸檸檬七喜🥤夏天
Lunch set包咗主食➕餐湯➕飲品🥤，
原條蒲田燒鰻魚蛋包飯🍚
灑上少量木魚碎係鰻魚上，原條鰻魚煎香，淋上鰻魚汁，配埋蛋包飯一齊食，送飯唔錯。
餐湯：羅宋湯🍲
黎冰室點少得羅宋湯呢，酸酸地好開胃，味道偏濃嘅。
即磨薯蓉焗法國田螺
超抵食，跟set加$12蚊，就可以食到田螺，焗完熱辣辣上碟，趁熱食，薯蓉creamy夾埋田螺爽口口感，上碟時仲附送埋番茄醬，沾少少番茄醬又唔同味。
紅豆冰🥤
紅豆冰飲出黎係一種情懷，落單時mark咗多奶，攪勻後再飲，奶味同紅豆融合一齊，香滑嘅味道，總係令人諗起細個同屋企人去冰室飲嘅紅豆冰🥤
美國費城烤西冷配野菌配薯菜🐮
西冷塊扒都幾大塊，軟腍易切，沾少少黑椒汁黎食，入口啖啖肉，冇咩筋位，呢個價錢食到咁大塊扒超值。
招牌自家製芒果布甸🍮
芒果味突出，布甸滑捋捋嘅口感，奶味好香好滑，跟餐加$12蚊食到咁好味嘅甜品，真係好平呀！
咸檸檬七喜🥤
夏天飲返杯咸檸檬七喜 ，涼浸浸，好舒服！
Tea set
紅豆煉奶西多士🍞
將西多士炸到金黃色，外皮香脆，特別嘅係有兩種唔同配料：紅豆🫘、煉奶，味道都好唔同，各有特色。
tiramisu 🍰
蛋糕苦得黎又食到芝士果種香滑嘅味，味道、賣相都媲美到出邊賣得好貴嘅甜品，作為飯後甜品，都好推薦大家試試。
凍咖啡☕️
咖啡配蛋糕，一定係下午茶首選，飲返杯凍咖啡，提神又好飲。
張貼
