影片
更多
2021-10-16
2120 瀏覽
首先吸引目光嘅係餐廳門口懷舊嘅紙包蛋糕，例如合桃蛋糕、雞批、蛋撻同椰撻等等，依家仲有做哩類餅嘅茶記冰室已經買少見少😌價錢亦係另一個吸引元素，叫到成枱野吃到飽人頭都係$50🤪 《 營養快餐𝙳 》 $47 4 / 5快餐包沙嗲牛肉麵，菠蘿包轉牛油加$3，連一杯港式凍奶茶再加$3😎 上餐速度超快，落單唔使5分鐘已經上齊晒🤣 襯熱食《 菠蘿油 》，原塊牛油睇住佢溶化，索晒入麵包🤤 菠蘿包皮香脆酥化，比平時嘅菠蘿包來講冇咁甜，麵包身好軟熟好香牛油味！😋👍🏻 《 沙嗲牛肉麵 》牛肉同沙嗲醬份量超重手🤤👍🏻 牛肉好大片，但麵質就淋左少少欠缺彈性🤏《 港式冰鎮奶茶 》🥤無冰更飲到原汁原味嘅茶，茶味好香濃，質地幼滑👍🏻 望住師傅用絲襪反覆拉茶，難怪入口咁滑溜🤤《 合桃紙包蛋糕 》 $7 3.5 / 5兒時回憶番晒黎！面頭合桃烘得金香脆口，蛋糕牛油香重，但質地較乾身，而合桃亦得兩粒唔夠過癮🥺《 椰撻 》 $7 2.5 / 5好乾身🥲 撻皮亦太薄好鬆散，拎上手就掉晒，優點係大大件好厚身🥧《 酥皮蛋撻 》 $7 5 / 5 🌟🌟🌟🌟🌟𝙼𝚅𝙿！好食到蛋撻出爐我地又叫多件😂 凍左嘅蛋撻望落樣子好乾，見到蛋
價錢亦係另一個吸引元素，叫到成枱野吃到飽人頭都係$50🤪
《 營養快餐𝙳 》 $47 4 / 5
快餐包沙嗲牛肉麵，菠蘿包轉牛油加$3，連一杯港式凍奶茶再加$3😎 上餐速度超快，落單唔使5分鐘已經上齊晒🤣
襯熱食《 菠蘿油 》，原塊牛油睇住佢溶化，索晒入麵包🤤 菠蘿包皮香脆酥化，比平時嘅菠蘿包來講冇咁甜，麵包身好軟熟好香牛油味！😋👍🏻
《 沙嗲牛肉麵 》牛肉同沙嗲醬份量超重手🤤👍🏻 牛肉好大片，但麵質就淋左少少欠缺彈性🤏
《 港式冰鎮奶茶 》🥤無冰更飲到原汁原味嘅茶，茶味好香濃，質地幼滑👍🏻 望住師傅用絲襪反覆拉茶，難怪入口咁滑溜🤤
《 合桃紙包蛋糕 》 $7 3.5 / 5
兒時回憶番晒黎！面頭合桃烘得金香脆口，蛋糕牛油香重，但質地較乾身，而合桃亦得兩粒唔夠過癮🥺
《 椰撻 》 $7 2.5 / 5
好乾身🥲 撻皮亦太薄好鬆散，拎上手就掉晒，優點係大大件好厚身🥧
《 酥皮蛋撻 》 $7 5 / 5 🌟🌟🌟🌟🌟
𝙼𝚅𝙿！好食到蛋撻出爐我地又叫多件😂 凍左嘅蛋撻望落樣子好乾，見到蛋芯同批邊分離以為實唔好食，點知一咬完全係驚艷😍 撻邊特別酥脆！
蛋漿好似蒸水蛋咁滑，入口即化，蛋味好香😋 新鮮出爐嘅表面仲令到反光🤩 下午茶一個蛋撻加奶茶，正👍🏻🤤
總括而言，冰鎮奶茶、酥皮蛋撻同菠蘿油係大推！其餘就性價比高都值得一試😋👍🏻
張貼
