影片
更多
2008-06-20
67 瀏覽
適逢結婚32年週年紀念, 小弟父母趁機宴會一班親朋, 共18人, 整番個開心大飯局.地點是方便的, 位於旺角既中心, 一哋都唔難揾. 去到發覺環境唔錯, 乾乾淨淨, 又唔算嘈, 酒樓嚟計, 冇得say no, 我諗部份係因為今晚人流不多, 討厭擠迫的我, 心裡不禁講句'yes!!'枱上擺了2碟前菜, 係肉碎豆卜菜甫, 小辣的, 不俗!$1,688的全包, 有以下的餸:籠仔花彫蒸海生蝦, 蝦是很新鮮的, 彈牙! 但就唔多覺有花彫味喎. 但無所謂, 點啲辣椒豉油亦很美味!五福臨門燒烤盆, 即係燒味拼盆, 我食了海蜇, 尚算ok爽口彈牙, 交到功課. 燒鵝, 肉質不鞋, 亦有肉, 亦亦ok喎! 义燒, 小弟覺得幾掂吓, 有蜜汁味, 肉亦十分鬆化, 肥瘦亦相宜, 唔知义燒迷姚東師傅會點睇呢? 此外仲有燒肉, 油雞黃金香酥海鮮卷, 裡面有芒果, 蟹柳, 沙律醬, 阿姨話有蝦, 但可能芒果及沙律醬味搶咗啲, 所以唔覺, 但佢炸得嚟唔算油膩, 及格!頂級醬皇爆海珍寶, 好猛既名! 但其實只係西蘭花炒吊片及珊瑚蚌, 查實我食唔出個醬皇係乜, 只覺佢清清哋咋喎... 但海鮮依然新鮮, 幾好呀. 紅燒鮑參
地點是方便的, 位於旺角既中心, 一哋都唔難揾. 去到發覺環境唔錯, 乾乾淨淨, 又唔算嘈, 酒樓嚟計, 冇得say no, 我諗部份係因為今晚人流不多, 討厭擠迫的我, 心裡不禁講句'yes!!'
枱上擺了2碟前菜, 係肉碎豆卜菜甫, 小辣的, 不俗!
$1,688的全包, 有以下的餸:
籠仔花彫蒸海生蝦, 蝦是很新鮮的, 彈牙! 但就唔多覺有花彫味喎. 但無所謂, 點啲辣椒豉油亦很美味!
五福臨門燒烤盆, 即係燒味拼盆, 我食了海蜇, 尚算ok爽口彈牙, 交到功課. 燒鵝, 肉質不鞋, 亦有肉, 亦亦ok喎! 义燒, 小弟覺得幾掂吓, 有蜜汁味, 肉亦十分鬆化, 肥瘦亦相宜, 唔知义燒迷姚東師傅會點睇呢? 此外仲有燒肉, 油雞
黃金香酥海鮮卷, 裡面有芒果, 蟹柳, 沙律醬, 阿姨話有蝦, 但可能芒果及沙律醬味搶咗啲, 所以唔覺, 但佢炸得嚟唔算油膩, 及格!
頂級醬皇爆海珍寶, 好猛既名! 但其實只係西蘭花炒吊片及珊瑚蚌, 查實我食唔出個醬皇係乜, 只覺佢清清哋咋喎... 但海鮮依然新鮮, 幾好呀.
紅燒鮑參肚翅, 翅份量ok, 味道亦只是ok, 無乜特別, 是今晚比較冇咁好食的一道, 可能亦由於小弟由細到大都鯊胆慣, 故食鯊魚鰭既興趣不大, 話晒間接自己友ㄚ!
金蒜銀絲蒸元見, 即係蒜容粉絲蒸帶子,味道是過關的, 始終用蒜容粉絲蒸是一個穩鍵的組合, 尤如尼斯達撘簡拿華路咁, 但帶子略嚴細隻咗少少.
薑蔥焗靚海蟹, 薑蔥炒得惹味, 正! 只是蟹比較少肉, 削咗啲, 同蒸帶子一樣, 發育比較不良. 但阿姨們辯護說, 百物騰貴, 夠新鮮已很好, 所以你教我如何何以苛責他呢.
清蒸游水大海斑, 係星斑嚟嘅, 成條魚蒸得恰到好處, 忽忽肉都滑而不老, 讃讃讃!
魚湯野菌浸時蔬, 嘩, 個魚湯幾清啵! 就算有味精, 一定不多. 小弟都飲了2-3碗湯!
薑米海皇炒飯, 料有帶子及蝦, 又係幾好食啵! 飯本身有香味, 阿姨一致認為他們是用鷄湯煲飯的!
甜品為紅或綠豆沙, 小弟就自行2溝. 味道非常一般, 唔食都全無損失, 食咗亦唔會覺佢好得.
水果拼盆為西瓜及菠蘿, 西瓜超淡的, 唔掂, 同飲水既感覺差不多, 不過佢係西瓜型既水囉. 菠蘿就好得多喇, 頗鮮甜的!
講到服務, 都幾好, 我哋18人叫了圍半, 但分2張枱坐, 各9人, 佢哋都會幫我哋分番開嚟上.
仲有啤走9時後入座就有優惠價10蚊支, 但我哋8點幾入座, 9時開席, 佢哋都俾優惠價我哋, 幾彈性處理, 值得讚賞喎!
埋單$2,600, 每人佰五唔使, 食得ok, 坐得舒服, 唔使迫, 服務又唔差, 仲想點? 但有一地方希望會有所改善, 就係上菜時間既掌握. 可能今晚人流較少, 故上菜有如閃電, 一碟未食, 一碟又起, 雖知並唔係每個客人都係狼吞虎嚥快閃黨, 喂大佬, 俾個機會消化吓, 好嘛? 希望下次不會再有同樣情況啦.
見佢哋仲有特價邊爐, 遲啲必會再試, 睇吓佢哋既水準是否一致.
此店確實是不錯的, 這麼低的評分著實有點兒那個. 但你哋放心, 這世界並沒有懷才不遇的, 只是睇睇你既才華能力何時會被人發掘罷了! 這樣說來, 小弟會成為伯樂嗎? 如此店能保持此水準, 要成為千里馬, 指日可待!
張貼
