金御海鮮酒家 (彌敦道)

營業中

休息中

帶住兩個老人家覆完診去就近茶樓，求其搵一間，就揾咗呢間垃圾。其實食物ok嘅，但係服務係超級差。不過都冇理佢，因為食嘢都唔需要佢， 但係有樣餸我哋叫咗椒鹽白飯魚，嚟錯咗個椒鹽魷魚。跟住佢要再整過，但係到我哋食完曬所有點心追過幾次都冇嚟，食完點心之後等咗半個鐘頭有多都仲未到，三催四請跟住仲要畀個經理一句話因為廚師食飯，要等。呢句先慶！ 你個廚師就要食飯，我哋就唔使食。就要坐喺度白等？ 一間咁嘅茶樓，係唔係應該閂門畀個廚師食飯呢 ？跟住我就即刻去埋單要去取消椒鹽白飯魚， 跟住佢一嘢攞碟餸出嚟話啲餸已經煮好啦唔肯取消。我睬你都傻，我唔會返轉頭坐低同佢食囉。 最後佢都取消咗個餸，但係埋單嘅時候個收銀仲差，佢冇比单，問佢攞張單佢居然話你唔一早講話要張單。我哋不嬲唔會比单嫁喎! 真係要祝佢早啲執笠！！

終於放寬限聚令可以8人一枱即刻約家聚時間晚市2000蚊有找，食到飽呀我地首先叫左全包半席再加左孖寶C餐另外再加隻燒鵝tim 雖然半席，但碟碟個份量都唔少其實我覺得8人都應該夠食燒鵝👍🏻👍🏻👍🏻拼盤，叉燒略肥XO醬碧綠花姿螺片👍🏻👍🏻半席既龍躉龍蝦🦞伊麵👍🏻👍🏻👍🏻👍🏻甜品👍🏻👍🏻👍🏻孖寶餐既乳鴿👍🏻👍🏻👍🏻👍🏻桶豪真係好好味😋😋另外套餐仲有炒飯，不過淡左少少🤏碟碟好大碟，另外星期日既晚市酒店都唔算多人，坐得舒服，出菜都好快既最緊要抵食丫ma

昨日下午突然想飲下午茶，慈雲山來來去去都只是幾間快餐及小許餐廳，及一家內地酒樓，為何我說是內地洒樓？因為很多香港人以前吃的點心它們都沒有，例如糯米雞啦鮮蝦粉粿等等，內地人多是吃北方點心。於是我想想，不如到旺角碰碰運氣，當上到金御正好是下午茶時間，入座後看到下午茶優惠點心，鮮竹牛向、鮮蝦粉粿、咸水角等等，非常合心水，於是點了四款點心，尤其鮮蝦粉粿，這是某大內地集團酒樓MX全線都沒有的，只是$16.8元這麽平民的價格就吃到大酒樓都沒有的點心大好了，當點心端上枱時，鮮蝦粉粿看起來不錯，吃到口中味道非常好，蝦肉及健康的香芹，這是香港人從前吃的點心，內容非常豐富比那又大又老又貴的蝦好食很多，隨後上的鮮竹牛肉大大粒，咸水角也脆卜卜，蘿蔔糕也好味，但不明白為何會跟甜醬，蘿蔔粉點甜醬，可能是外國人跟小孩喜歡，四款點心包茶錢才$76元抵食

放假休悠悠去飲個茶， 揀下午茶時段就最抵食。 好似有正價嘅六or七折。嗌咗八樣嘢食買返都係240蚊。香煎蘿蔔糕沙律明蝦角幼滑齋腸粉乾蒸牛肉燒賣上湯鮮竹卷鳳城水餃香芋糯米卷叉燒包呢度嘅嘢食正正常常，唔會話特別出眾。我自己比較推薦嘅係沙律明蝦角， 大大隻滿曬餡，全都係鮮蝦， 而且外皮炸得鬆脆可口， 熱辣辣好滋味。另外比較推薦嘅係 齋腸粉， 外皮煙煙靭靭， 滑捋捋唔嚡口。 淨係加豉油同埋豆辧醬都好食。 比喺附近腸粉專賣店嗰啲仲要好食。

同舊朋友難得一聚，搵左個聚腳點，揀左呢間金御海鮮酒家做宵夜地點，有幾次都去左5樓間金苑宵夜，今次落兩層試番次金御。同舊朋友相聚好唔好食唔算重點，自在有d餸汁過下口癮，咁呢間餸菜又冇令我太失望，有基本水準🙆🏻‍♀️我地order左脆皮燒腩仔、沙薑雞腳、虎皮椒味菜炒豬肚、生啫通菜煲、蟹籽燒賣皇、韭菜白飯魚煎蛋🍳、2枝藍妹🍻首先前菜脆皮燒腩仔皮系夠脆，仲有沙薑雞腳一樣夠熱度唔會一上就凍冰冰，屬正常水準。主食方面：👉🏻虎皮椒味菜炒豬肚豬肚比較難咬有d橡膠感覺，味菜系指咸菜，咸菜反而系呢道餸最增味嘅配菜，配酒都好好送口，而虎皮椒虎麻麻，見有清到籽粒，應該怕太辣，但炒得太乾身，唔太食到椒味👉🏻生啫通菜煲呢個系3個主食入面最得分，因為佢有加到蝦乾、豬肉碎系裡面，味道方面食出可能有加蝦醬，非常夠味之餘菜身又冇過軟，爽爽地口，讚👉🏻韭菜白飯魚煎蛋呢個平時出街好少見咁配搭，一上枱個面全部望落都系蛋，但只要一反轉就會發現滿滿嘅韭菜同白飯魚，加上上枱時加埋胡椒粉灑上蛋上，帶少少胡椒辣味更添風味，又系送酒嘅皆品蟹籽燒賣系意外系推廣menu見到，難得宵夜都仲有得叫番籠點心食下，一於加單，燒賣都幾大粒入面亦有彈牙口感

本人唔係成日飲早茶，最常幫襯就係都係同樣係旺角區既點點心。同果間比，呢間算係比較傳統果種飲茶。早市六折，星期日加一蚊，另外加12%服務費。一入黎，見到d餐具都幾新淨，本人覺得加分。點左個$16既北菇蒸雞飯，份量唔多，細細碗，岩岩好可以留返d quota食其他點心。跟住黎既係煎芋頭糕，雖然我覺得好乾，我女朋友點辣醬食話好正，勁多芋頭。第三樣係我每次飲茶都必叫既奶皇包。呢個奶皇包有驚喜!本身expect佢只係聲稱流沙，點知入面真係勁流沙，奶皇涵足，入面仲有旦皇粒，好癲！最後既係灌湯餃同燒賣，兩樣點心都唔差，本身對灌湯餃無特別鍾情，之前係第二間食過好難食，有泳池氯水味，至少呢到無，我已經收貨。上面仲有少少魚翅，唔食魚翅既朋友就要注意啦。總括黎講唔差，上菜慢左d，但食物夠熱，而且素質同價錢相稱，岩晒咁岩口痕想飲茶既食客。

星期日中午飲茶，剛剛執完枱侍應阿姐開始派餐具，我見到隻碗洗唔乾淨，咪同佢講換過啦，佢聽完，停一停，黑住面同我‘又唔係我洗嘅！’，跟住行咗去⋯⋯雖然飲食業難請人，但都唔係咁呀！可能我嘈嘈閉，之後有另外一位樓面嚟換，再上網查詢吓，原來食具衛生程度同服務態度出曬名，大家想溶入大灣區，不妨試試，不過大陸大多數有包膠已消毒食具，可能仲乾淨d！

收工收夜左，又想食小菜！行過見到有貼廣告做promote，9點後見價錢都幾抵食，所以就決定一試佢！點解會收得咁平？原來茶錢$12/位，上枱小食（花生）$10/碟，平時人地加一，佢加1.2既服務費！特價既小菜都好多，飲品都唔貴，飲啤酒既朋友注意啦，大支裝既青島$10.8/支😱😱😱不過我地就冇飲啦！炒雜菜，其實就係唐生菜加白菜仔😂冇馬拉盞味，只係普通蒜蓉炒菜，不過竟然有落薑絲去炒，食到好香薑味！$39算係咁啦成碟野同一個顏色，完全見唔到鴨件，用左豆板醬去煮，茄子新鮮好甜，最後發現鴨肉啦，食落去一陣雪味，仲有好多碎骨！好質疑佢d所謂鴨件點樣黎，不過$38就由佢啦$25黎講份量都算多架啦，個汁真係鮑汁，雞腳炆得好腍，唔夠入味，但都算ok埋單$166，唔算話十分抵，但都唔太貴，見到佢晚飯時段小菜價錢都唔貴，可以再試下

垃圾酒樓，服務態度奇差。我地有個老人家，行動不是很方便，問多句樓下有無位，就被一女待應怒目斥罵，趕我地上樓上。態度非常惡劣！Terrible restaurant, visited Hong Kong for a week, this is the worst experience I had. We went with my Mom whom is more than 80 years old, I just asked if there's a table on 2nd floor, for scolded and forced my mom to walk stairs to 3rd floor. terrible experience.

黑椒金錢肚（大點）XO醬炒腸粉（$28）黃金流沙包（大點）千層馬拉糕（中點）鮑汁雞腳小籠包Total$150下午茶時間，其實係我嘅早午餐，哈哈下午茶優惠：大中小點會平啲另有下午茶優惠點心點心等咗唔耐已經到，順序嚟：1）鮑汁鳳爪，夠啉夠入味夠熱2）XO醬炒腸粉，XO醬味唔算好濃，如果多啲XO醬會惹味啲3）金錢肚，參唔多次次飲茶都會嗌架，但口感好似爭少少，我鍾意唔好太啉的4）千層馬拉糕，原本以為係以前食一層層有啲奶皇嗰款（唔記得咩名）5）小籠包，一般不過不失6）流沙包，唔知係唔係放耐咗，唔算係好爆流心嗰隻整體食物味道算可以，上菜時間快，唔駛等好耐，上菜時夠熱勝在坐得舒服2個人坐張4座位枱，唔駛搭枱，（眼見場內未滿座，滿咗可能要搭枱）用來嘆茶或者放鬆hea一hea確實不錯！

已經唔係第一次來飲茶，明知冇服務但食物可以，地點又方便，所以都照來，但今次真係忍無可忍。係2樓唔俾我哋坐大枱，又話我哋阻住條路，叫我地上樓上，上到去坐低咗，又話我地坐咁大張枱，想唔同我哋開茶，搞到我地同佢鬧交😤😡

老爸想㫓廣東菜，前兩年來過這家酒樓喝茶，味道不錯的。今天專程帶老爸從荃灣到旺角吃晚飯，點了佛山醺蹄，明爐燒鵝，西芹蝦球，面醬油麥菜，還有一份干燒伊面忘記影相了，菜的味道真心不錯，但點菜經理態度愛理不理，給原本有滋味的菜式扣了分，希望以後在這方面改善一下。

朋友想說吃點心，想想旺角也沒有什麼好的選擇，所以就了這間。看看時段，正值2點，有下午茶優惠，大中小點有55折優惠，好似好抵，只可惜我們想吃的都是特點，結果選擇也就減少了。整體來說，這裏的食物質素也可以，好似個粥都夠綿夠味，而且份量也合理。

呢朝約好左阿爹同娘親去飲早茶~地點就係旺角呢間「金御」~時間尚早, 人流唔算多, 唔使等就有位入得!!坐低飲杯茶之後, 就係剔點心時間~朝早流流, 而且大家都細食, 所以揀左幾野就收手...交過點心紙, 就係嘆報紙時間!!都唔記時間, 睇左一陣間報紙, 就有點心上枱~流沙奶黃包: 堅係流得出架, 夠熱, 唔太甜, 好味!!!咸水角: 脆脆的, 熱熱的, 好味!!拉腸粉: 夠滑夠份量, 豉油亦絕不小家, 抵讚!!!薄餅: 甜甜的, 入面卷左椰絲、芝麻....etc, 略嫌煎得未夠火喉~鳳爪: 入味, 夠熱, 唔錯!整體印象唔錯, 質量唔差, 可以再去, 支持!!!! =)

金御係一個朋友既推薦,佢話連佢唔食鳳爪都話呢度既鳳爪好好食,雖然之前食過觀塘分店覺得唔得,但一於今次黎佢推薦既旺角分店黎試一試! 下午茶時間黎到人好多,全場都幾滿,但冇人等緊位,幸運既係有一張4人檯,係魚缸前,論環境,其實好一般,地方好窄,亦比較嘈係點心紙發現原來呢度係要加12%既服務費,而唔係一般既10%呢!點左幾個點心鮮蝦法絲酥: 外面係脆脆既金絲,包住鮮蝦,都幾特別金御鮮蝦餃:真係唔錯,入面既鮮蝦好大隻,皮亦夠薄黃金流沙包:熱辣辣,流沙包都算有 “流”,但如果做得更流心會更出色 蒜蓉蝦春卷: 呢個一般,食落較油膩鮑汁炆鳳爪:重點,亦係全餐最特別既點心! 鳳爪炆得好”淋”之餘,亦有好豐富既膠質, 鳳爪炆得好入味,充分吸收鮑汁既精華!