普洱

營業中

休息中

見大部份食評好似講到都唔錯，所以諗住一試，點知中伏。黑椒雞扒意粉-個汁淡，稀，唔識形容個味，只知唔覺有黑椒味卤水拼盤-雞亦正常味、蛋正常味、個唔知咩肉係鞋到好似食緊木塊咁，完全咬唔入，係一啖都咬唔入，一件都無食過服務方面，由入座到比錢一刻為止，大部分店員都是黑著臉嘅，店員放野上枱時係唔會出聲，攝左係你枱角就會走。另外看不過眼的服務問題，其實只是睇到佢點對其他客，唔關我自己事。首先作為茶記常客的自己，知道2人坐4人卡位，就預左可能要搭枱架啦，我見店内原本多數卡位都係2人對座，心諗又幾好喎。我就座左中間普通位。到滿座後，有新客人一行4人，於是店員就去A卡位，向其中一人講'你坐過去'，示意佢坐番去佢朋友嗰邊，然後再去B卡位，叫二人搬過去A卡位啱啱被空出黎嘅一邊。如是者唔止一枱客要食食下轉枱而一句唔該都無，全程無解釋原因亦無半句'唔好意思'或'麻煩你'之類。我見每個被迫掉位嘅客人都係唔知發生咩事，好疑惑咁離開個位。咁當然啦，咁嘅服務水平合唔合理就見仁見智啦，畢竟佢40蚊碟飯已經包左飲品，分分鐘平過茶記架喎。