普洱

營業中

休息中

老干媽花菜炒豬頸肉飯$55老干媽確實係好惹味，炒花菜同埋豬頸肉一流，佢仲送一杯特飲，飲品選擇超多應該有2-30杯，真係花多眼亂，我就揀咗杯紫米杏仁霜，但係紫米超級少好似得幾粒咁😂，但呢個價錢嚟講50幾蚊仲送埋杯嘢飲，味道唔錯嘅口水雞口水雞本身嘅雞件都幾大下，肉質都嫩滑，但覺得佢嘅口水汁差緊啲味，好似冇出面嗰啲咁惹味，呢個餐都係送嘢飲，我哋就揀咗菠蘿普洱，飲唔到普洱味，淨係飲到菠蘿味，但又唔係難飲嘅，而且個餐仲可以揀要湯還是菜，我哋就叫咗菜佢嘅菜真係得兩條咋（唔係講笑😂），但呢個餐$6x嚟講都低既整體嚟講諗唔到食咩可以食佢，始終佢餐廳坐得都幾舒服，差唔多全部都係卡位，而且以呢個價位仲有送特飲，最重要係飲品選擇多！不過成間餐廳嘅口味真係比較普通。不過有點需要講吓，其實我覺得餐廳人手不足，成間餐廳樓面得一個人🥹可能餐廳需要請返個兼職會好啲！

點心小食：雲南春卷（$28）有五條，係素春卷，餡料似係白蘿蔔蓉同紅蘿蔔絲，即炸，脆身，但細條，口感一般。本來仲想要埋生煎包，但無喎。是日客飯餐：嘎嘎滷水鴨飯（$49）配凍朱古力普洱（+$3）滷水鴨有八九件，份量不少，而且都斬得算大件。啲鴨浸得幾夠味，唔過咸，鴨肉肉質軟身但有質感，口感不錯，鴨皮幾滑而且唔肥。另加三片生菜。凍朱古力普洱，第一次見亦第一次飲，老實講同平時啲朱古力分別不大，飲唔出有咩普洱茶味。小菜餐：糖醋香酥肉（$59）熱芝麻花生普洱（+$0）本來諗住叫下午茶餐，餐牌明明寫住去到18：00（當時大約係17：40），但話已經無喎，咁唯有算數再諗吓食咩。決定要脆卜卜紅燒肉，點知又話無喎，結果要咗糖醋香酥肉，即係咕嚕肉。糖醋肉即煮，鑊氣一般，但夠熱，味道正常合格。蠔油菜蔬或老火靚湯，要咗前者，數條菜芯。絲苗白飯或普洱茶飯，要咗後者，茶色飯，大啖食有少少茶味。熱芝麻花生普洱，芝麻味濃，花生味一般，普洱味唔多覺。用餐體驗一般，六點未夠，呢樣無嗰樣又無，咁點做晚市。食物質素普通，一般街坊小菜，除咗打正旗號用「普洱」作賣點外，其實無乜特別，應該沒有下次。

超級失望，普洱只可以停留以前嘅回憶。因為好多年無返黎荃灣，夜晚就嚟咗以前嘅*飯堂*餐牌餐飲唔同曬，原來依家普洱飲品得返朱古力普洱，冇咗其他選擇，我嗌嗰陣先留意到。咁佢冇以前咁好食我當普通茶餐都沒冇所謂。最大問題係啲人變曬普通話，頭頂個冷氣機滴水環境即刻感覺唔係咁好。不會再來。

呢間鋪頭真係由細食到大，開左都有10年？ 以前好鍾意佢既焗米線，之後轉左次手得翻焗飯，近排好似又轉左手出翻焗米線。食左芝士黑椒焗豬頸肉米線、同埋芝士咖哩焗雞扒米線。我鍾意食黑椒味多d，芝士香味加黑椒辣辣地幾夾，咖哩偏濃。米線而家轉左用通心米線，覺得仲好食過之前普通米線，柔軟得黎又有口感，而且好索味！餐牌有得揀普洱茶飯，不過6半去食已經冇曬，希望下次黎可以試到🥹朱古力普洱就冇之前咁好飲，唔係好夠茶味。55蚊連埋杯小特別既飲品性格比都高，值得encore🤣

話說，之前俾佢地既朱古力普洱驚豔到，晚餐又唔錯，念念不忘。餓住個肚一心想搵野食，但呢個下午茶讓我感到失望。辣牛肉粉米線辣？一啲辣味都無，好普通既一碟麵，只係有啲味咁，如果為左想有啲野落肚又無要求，咁以下午茶黎講份量又唔係好少既，不過辣牛肉炒米線應該唔會係咁既樣？紫米豆漿溝左好多水既飲品？唔覺係豆漿，好淡，好失望，以為名物朱古力普洱咁出色，其他特色飲品應該都唔錯，但超出左我對豆漿既預期。。。一字之曰，伏應該唔會再有下次幫襯，又或者係希望太大變成失望

好耐之前已經聽過同事介紹荃灣有間餐廳嘅朱古力普洱好出名😋被呢個既邪惡又特別嘅配搭吸引咗😛仲試埋佢嘅砂窩米線，原來幾有驚喜，食到最尾都keep到熱辣辣，冬天食真係啱哂😙😙🐣喔喔三味雞砂鍋米線（$55）三味雞係指手撕雞、烏絲雞同麻辣雞🐥而湯底係豬骨湯底，香濃又唔會太鹹，加埋有麻辣雞所以有微微嘅辣，都幾惹味😂 另外雞絲都唔少，第一次食烏雞絲，都幾特別幾好味😋🐷哼哼豬什錦砂鍋米線（$55)豬什錦就有燒豬軟骨，五香腩肉同紅燒肥腸🐷同樣都係豬骨湯底😁五香腩肉半肥瘦，煮得又淋又入味🤤豬軟骨夠鬆軟，連軟骨都好軟好膠質🥰紅燒豬大腸勁好食😆好邪惡，我好鐘意😝😝🍫朱古力普洱（+$3）幾特別嘅組合，但可能係我期望太高😂普洱茶味冇想像中咁濃🤔反而以朱古力味為主，好香濃，加咗普洱有少少似黑朱古力帶甘苦味🍫整體唔會太甜都值得一試😁😁

以前喺荃灣做嘢成日過嚟食飯仲記得當時係一班後生仔開鋪今次見裝修咗，樓面水吧變咗姨姨幫手想來睇返先知原來轉咗手。以前黎呢間食飯淨係會叫米線同埋朱古力普洱，今次轉下口味試吓食小菜，但繼續飲朱古力普洱小菜夠經濟實惠，$60左右已經有一個餸一個白飯，送湯or 油菜再包野飲，而且份量算大碟又好味,不過朱古力普洱就以前好飲d侍應姨姨勤力有禮，好親切嘅感覺又唔會催你走而且環境都幾舒服，夠光猛又闊落，仲有卡位可以坐，下次再嚟想試返米線睇吓水準點

平日嘅下午喺荃灣廣場行完街，random過對面街搵嘢食，於是揀咗一間望落幾特別嘅餐廳。.可能係平日嘅下午，入到餐廳淨係得幾個客，環境好安靜，好似圖書館咁😂冇人講嘢，連背景音樂都冇😂😂.落單等咗15分鐘先有嘢食（喺香港嚟講算有啲慢）🙃.麻辣雞扒包餐 配薯條 $38賣相唔錯，但食落一般般，個包剪得太燶，一食就有浸燶味，麻辣雞扒肉質同味道都唔錯，但成個包好乾，一啲醬同汁都冇，好似肉還肉，包還包咁。薯條正常發揮，但春卷唔係幾好食，咬入去唔知咩餡料，好似一堆粉咁。朱古力普洱 （下午茶熱飲唔使加錢）我覺得呢杯飲品算高質，第一眼望落去同朱古力冇分別，第一啖飲都覺得好濃朱古力味，但飲飲吓會飲到有浸普洱味滲出嚟，如果茶味再濃啲就更好～😋.下午茶餐幾抵食.環境幾舒服，但真係安靜到不得了😂.門面有種文青感覺～

朋友介紹呢間，俾佢普洱配朱古力既配搭吸引到。試完一次又一次，因為朱古力普洱真係幾好飲，吧台後面既阿姨手勢好好✨✨飲落唔太甜同帶有少少普洱清香，頂部亦有古式手搖既泡沫😋（建議點凍既）酸辣腩肉炒米線有趣，米線煙韌食落真係似乾版本既酸辣米線哈哈😂 腩肉夠香但可以再淋啲。咖哩豬頸肉焗金菇雞趴飯算係好食既香濃港式咖哩，用料亦好足👍🏻👍🏻普洱炒飯就冇乜普洱感覺，係炒得幾好既家常炒飯🍚另外亦叫過米線同炒脆肉都唔錯。另一樣幾好既係店內空間舒服，平日嚟如果唔係食晏時間應該都唔洗排隊👏🏻👏🏻👏🏻以疫情後香港食肆價格係唔係都亂飆亂升嚟講，呢間都算少見合理，性價比非常高！值得推薦🙏🏻🥰🥰🥰

被門口文青設計而中大伏，我從未食過一間麵店會將韓國粉絲講做薯粉，係咪當香港人無食過薯粉定無食過韓國粉絲？我一再確認問店員：呢碗叫薯粉？ 佢答我係。呢碗100%叫韓國粉絲重要淋曬。湯味道直接辣粉加水，完全無其他麵荒謬，料都好差，豬紅係完全，完全無味！豬大腸係焦既！更乾又un 希望大家由心而發出返對得住自己既食評…..呢間食店我一定唔會再去，真係好低質。講真食咁多間店，比呢間環境差既都試過質素咁。與其起個文青名又整到menu排版呃人入，麻煩做好食物啦！一定唔會再去，0誠意。

今日收工一支公！諗住簡簡單單食個飯就返屋企。之前同朋友食過呢間，覺得幾好食。叫咗一個脆炸魚柳飯，飯揀咗普洱飯😂感覺上好似健康啲，其實都冇乜特別。不過都幾清新。個飯真係好抵，大件夾抵食，啲餸多到可以打包😂😂不過男人來講我梗係食得晒🙃另外，當然要叫招牌嘅朱古力普洱😍味道依然真係好好飲👍🏻👍🏻

隔咗一年幾再幫襯普洱，係因為好掛住杯普洱朱古力🥹同埋砂鍋米線！！🌟小蔥伴皮蛋 $28呢款小食好抵食🤣諗住叫小食食下，無諗過咁大碟！而且皮蛋嘅皮係半透明狀，賣相好好睇，食落亦好入味😋🌟孜然香酥肉 $38呢款應該係近期新加小食！以往無印象有呢款小食🫣但唔值得一試，個人認為太油膩，炸粉多過肉🥶🌟喔喔三味雞砂鍋米線 $55喔喔雞包手撕雞、烏雞絲、麻辣雞🤣再配上豬骨湯底！個人覺得都幾足料，三款雞配豬骨湯又出奇地夾、仲要辣辣地，真係好惹味！😋😋推薦大家食！🌟哼哼豬雜錦砂鍋米線 $55哼哼豬包豬軟骨、豬腩肉、同肥腸！個人唔太鐘意食肥腸，諗住問可唔可以走肥腸，另外兩款肉就多少少，但餐廳話難啲做到，唯有直接走肥腸🫣豬腩肉好食，好入味！但係豬軟骨就一啲都唔軟骨🤣唔夠淋啊！🌟凍朱古力普洱 跟餐+$3洱仍是洱！！係我最愛嘅味道！仍然無變🥹🥹🥹真係好好飲！🌟熱芝麻豆漿 跟餐免費飲完第一淡，第一下反應係係咪無加豆漿🥶🥶因為好似飲緊芝麻水咁…愈飲愈奇怪嘅味道，唔建議試🫣

之前果間摺左，第一次黎呢邊食。整體感覺一般。比想像中普通，有點膩。山楂冰汽消暑解氣。食唔出豬骨湯底味，好淡。雞翼好差，丸夠香夠口感。整體一般。可以。會芝士拉絲，有豆腐。

點解咁多人話唔好食呢？1月份時朋友帶左我黎食，我今日咁岩黎左荃灣，就諗住食多次。點知原來11點半先開門點左2餸面食，腩肉魚腐豬骨湯面線朋友就點左星期二既b餐魚腐絕對好食過譚仔，豬骨湯雖然淡淡地，對我口味淡既人都好足夠，腩肉辣辣地，又大塊，同一般車仔面既餸好唔同飲品點左紫米杏仁露同朱古力咖啡。紫米既份量少左d，朱古力味會重過咖啡味，整體都覺得好飲B餐飯就一般，不過就送左碗意米冬瓜湯，意米味好濃，冬瓜味又甜甜地，好飲～俾我既話，我都係會再黎一次

荃灣 普洱而家物價高漲，喺荃灣經過呢間米線舖發覺佢性價比幾高，味道亦都非常吸引好多年前已經食過，而家翻新咗裝修，跟住再入嚟試吓！叫咗個手撕雞豬軟骨醬鹵米線，醬鹵汁酸酸地好開胃，加上紅蘿蔔絲，青瓜絲，芽菜撈埋一齊，口感好豐富，豬軟骨同雞絲亦都好好食😋另外叫咗個老乾媽菜乾豬頸肉小菜配一個普洱茶飯同一碟油菜，豬頸肉炒得好入味，份量亦都足夠，幾好食😋兩個set最好就係都配一杯特色嘅飲品，我哋就一人叫咗個朱古力普洱，同埋芝麻花生普洱，兩個都幾好飲，好在兩個都可以走甜可以飲野之餘，仲可以健康啲！😎