影片
更多
2022-02-16
698 瀏覽
🥢椒鹽一口炸豆腐（$88）：經油炸後每一粒炸豆腐都金黃方正，灑上椒鹽粒及炸蒜粒提香。炸衣外層好薄好輕柔，咬開後係好嫰滑嘅滑豆腐。廚師既做到有椒鹽口味，同時又保留到豆腐嘅豆香同軟滑。小編覺得好出色。一份有二十逾小件炸豆腐，作為餐前小菜足夠三至四人分享。🍲芥菜排骨湯（$108）：平日屋企嘅芥菜總係有啲甘苦，所以小編由細到大都對芥菜無咩好感。但呢次係小編第一次食到完全鮮甜嘅芥菜！湯水有排骨肉香，再加入胡椒烹調更有溫辛暖身嘅作用，係寒冷天飲用正好！飲完成個人暖冧冧好舒服。🥡廣式臘味煲仔飯（$158）：煲仔飯整齊平均地鋪上臘鴨髀，臘腸，同埋臘肉。臘味嘅油脂於高溫下逼出，並滲透於白飯中。待應耐心讓食客影相打卡後，就幫手拌勻飯餸。飯粒飽滿，臘味鹹香濃郁，甜醬油提鮮。食到最後仲有脆卜卜嘅飯焦！🍵茶介每位（$15）：我地揀咗玄米茶，茶香解膩，無限任添。另外有鐵觀音茶及菊花茶供食客選擇。☺️整體而言：佐敦高配版煲仔飯！憶食尚係一間有檔次嘅餐廳，讓食客可以安靜純粹於專注享用美食。小編喜歡餐廳座位舒適寬闊，環境安靜怡人，可以安坐享受食物。食物品質不俗，侍應服務快且有禮。憶食尚臘味煲仔飯 地址：佐敦文匯街22-2
🥢椒鹽一口炸豆腐（$88）：經油炸後每一粒炸豆腐都金黃方正，灑上椒鹽粒及炸蒜粒提香。炸衣外層好薄好輕柔，咬開後係好嫰滑嘅滑豆腐。廚師既做到有椒鹽口味，同時又保留到豆腐嘅豆香同軟滑。小編覺得好出色。一份有二十逾小件炸豆腐，作為餐前小菜足夠三至四人分享。
🍲芥菜排骨湯（$108）：平日屋企嘅芥菜總係有啲甘苦，所以小編由細到大都對芥菜無咩好感。但呢次係小編第一次食到完全鮮甜嘅芥菜！湯水有排骨肉香，再加入胡椒烹調更有溫辛暖身嘅作用，係寒冷天飲用正好！飲完成個人暖冧冧好舒服。
🥡廣式臘味煲仔飯（$158）：煲仔飯整齊平均地鋪上臘鴨髀，臘腸，同埋臘肉。臘味嘅油脂於高溫下逼出，並
滲透於白飯中。待應耐心讓食客影相打卡後，就幫手拌勻飯餸。飯粒飽滿，臘味鹹香濃郁，甜醬油提鮮。食到最後仲有脆卜卜嘅飯焦！
🍵茶介每位（$15）：我地揀咗玄米茶，茶香解膩，無限任添。另外有鐵觀音茶及菊花茶供食客選擇。
☺️整體而言：佐敦高配版煲仔飯！憶食尚係一間有檔次嘅餐廳，讓食客可以安靜純粹於專注享用美食。小編喜歡餐廳座位舒適寬闊，環境安靜怡人，可以安坐享受食物。食物品質不俗，侍應服務快且有禮。
憶食尚臘味煲仔飯
地址：佐敦文匯街22-24號地下2-4號舖
電話：35909933
營業時間：11:30-21:30
#香港食好西 #柯士甸 #佐敦 #憶食尚 #香港 #野生代言人
張貼
