影片
更多
2021-05-24
662 瀏覽
好友生日，本來相約收工之後去天后食蠔食海鮮，點知黎到餐廳之後，佢臨時要加班放我大飛機🥲，所以24孝朋友仔我唯有直接外賣個海鮮拼盤抬上佢屋企陪佢加班。（其實有得預訂送貨，但由於我已經到咗餐廳......）-呢間餐廳嘅海鮮拼盤可以自行選擇內容同數量，包裝精美，裏面仲有埋燈，令人幾有慶生嘅氣氛。自選嘅海鮮入面，淨係蠔嘅種類都成二十幾種，少食蠔嘅我，隨意係店家推介底下點左幾款，結果款款味道都唔錯，冇令我失望。當中最個人最鍾意就係肉質爽脆，帶濃郁海水味，且餘韻甚長嘅Krystale（$42/per one）同埋Size雖然的的骰骰但非常Creamy滑溜嘅Tia Maraa Pearl ($36/per one)。-加拿大海膽（$268一板）海膽顏色呈鮮橙色，瓣塊結實，入口細膩綿軟且甜味豐厚，入口啖啖都有種令人難以忘懷嘅幸福感，愛澱粉嘅B仔呢個moment真係好想煮返兜赤醋飯黎配下🤤。除此之外，基本上其餘海鮮都冇令人失望，北海道帶子肉厚味甜、法國珍珠螺雖較淡味但質感彈牙，車厘蜆肥厚無沙、而顏色晶瑩嘅法國藍蝦則結實爽口（上網search完之後先知，原來佢被譽為蝦界嘅勞斯萊斯😂，每年係有限撈獲嘅）整體
-
呢間餐廳嘅海鮮拼盤可以自行選擇內容同數量，包裝精美，裏面仲有埋燈，令人幾有慶生嘅氣氛。
自選嘅海鮮入面，淨係蠔嘅種類都成二十幾種，少食蠔嘅我，隨意係店家推介底下點左幾款，結果款款味道都唔錯，冇令我失望。當中最個人最鍾意就係肉質爽脆，帶濃郁海水味，且餘韻甚長嘅Krystale（$42/per one）同埋Size雖然的的骰骰但非常Creamy滑溜嘅Tia Maraa Pearl ($36/per one)。
-
加拿大海膽（$268一板）海膽顏色呈鮮橙色，瓣塊結實，入口細膩綿軟且甜味豐厚，入口啖啖都有種令人難以忘懷嘅幸福感，愛澱粉嘅B仔呢個moment真係好想煮返兜赤醋飯黎配下🤤。
除此之外，基本上其餘海鮮都冇令人失望，北海道帶子肉厚味甜、法國珍珠螺雖較淡味但質感彈牙，車厘蜆肥厚無沙、而顏色晶瑩嘅法國藍蝦則結實爽口（上網search完之後先知，原來佢被譽為蝦界嘅勞斯萊斯😂，每年係有限撈獲嘅）
整體黎講，壽星仔朋友都好滿意😁，雖然要加班但好在外賣水準都一樣高質新鮮👍🏻，尤其係呢段時間冇得去旅行，可以喺屋企食到多國新鮮嘅海鮮真係好開心💕以後喺屋企慶生又多一個好選擇lu~
張貼
