影片
更多
2025-04-04
306 瀏覽
麵家今次要介紹喺銅鑼灣一間牛腩麵店叫「麵家」，呢間麵店嘅牛腩係用慢煮方式，令到牛腩非常軟淋，湯底係每日熬咗最少8小時，用咗大約50kg雞殼同雞腳製成雞白湯底，另一款湯底係再加入咗大地魚，麵係用咗超過50年老字號嘅永樂，河粉就用咗超過70年嘅雙喜，2間麵店都堅持香港制造，仲有就係雲吞每一粒都好似拳頭咁大，輪椅人士入去都超方便，呢間麵店嘅門口係用咗嵌入式嘅斜路，唔會介意做少幾張枱，夠哂誠意，愛心滿滿！1.火辣紫薯咖哩三拼撈麵$94+壹品豆漿$12（10/10）呢個火辣紫薯咖哩三拼撈麵個麵揀咗幼麵，三拼就揀咗秘製慢煮牛腩（+$10）、雲吞+牛丸，慢煮牛腩一共有10舊，脂肪比例大約3肥：7瘦，每一舊牛腩都好軟淋，食落去絕對唔會韌，又唔會痴牙，雲吞就有2粒，每一粒都好似拳頭咁大，雲吞入面有一隻完整嘅蝦同好多嘅豬肉，牛丸就有2粒，都好彈牙，好正！飲品就揀咗壹品豆漿，需要另加$12，唔會好甜，夠凍！2.秘製慢煮牛腩麵$58+紅茶花伝檸檬紅茶$15（9.5/10）呢碗秘製慢煮牛腩麵個麵揀咗幼麵，牛腩一共有8舊，脂肪比例大約3肥：7瘦，每一舊牛腩都好軟淋，食落去絕對唔會韌，又唔會痴牙，好正！飲品就揀咗紅
今次要介紹喺銅鑼灣一間牛腩麵店叫「麵家」，呢間麵店嘅牛腩係用慢煮方式，令到牛腩非常軟淋，湯底係每日熬咗最少8小時，用咗大約50kg雞殼同雞腳製成雞白湯底，另一款湯底係再加入咗大地魚，麵係用咗超過50年老字號嘅永樂，河粉就用咗超過70年嘅雙喜，2間麵店都堅持香港制造，仲有就係雲吞每一粒都好似拳頭咁大，輪椅人士入去都超方便，呢間麵店嘅門口係用咗嵌入式嘅斜路，唔會介意做少幾張枱，夠哂誠意，愛心滿滿！
1.火辣紫薯咖哩三拼撈麵$94+壹品豆漿$12（10/10）
呢個火辣紫薯咖哩三拼撈麵個麵揀咗幼麵，三拼就揀咗秘製慢煮牛腩（+$10）、雲吞+牛丸，慢煮牛腩一共有10舊，脂肪比例大約3肥：7瘦，每一舊牛腩都好軟淋，食落去絕對唔會韌，又唔會痴牙，雲吞就有2粒，每一粒都好似拳頭咁大，雲吞入面有一隻完整嘅蝦同好多嘅豬肉，牛丸就有2粒，都好彈牙，好正！
飲品就揀咗壹品豆漿，需要另加$12，唔會好甜，夠凍！
2.秘製慢煮牛腩麵$58+紅茶花伝檸檬紅茶$15（9.5/10）
呢碗秘製慢煮牛腩麵個麵揀咗幼麵，牛腩一共有8舊，脂肪比例大約3肥：7瘦，每一舊牛腩都好軟淋，食落去絕對唔會韌，又唔會痴牙，好正！
飲品就揀咗紅茶花伝檸檬紅茶，需要另加$15，唔會好甜！
3.香脆魚皮$22（9.5/10）
呢碟香脆魚皮份量都幾多，每一舊魚皮都大大舊，炸到好香脆，味道就咸咗少少！
2人總共價錢$201
個人口味總評分：9.67/10
地址：銅鑼灣登龍街18號V Point地下3號舖
張貼
