影片
更多
2022-08-19
965 瀏覽
成日响啲米線關注組提及雲家，一直都好想試吓。今日難得路過，唔係唔試嘛？！今日唔係好多人，等咗兩枱就到我哋喇！店內地方唔大，每枱都好迫，坐得唔係咁舒服。😅 餐單選擇多，但今日冇熱/冷撈米線，只有湯米線。聽聞佢嘅酸辣湯底唔錯，今日揀咗酸辣腩肉燕皮肉餃湯米線、酸辣腩肉肥牛湯米線、涼拌麻辣金錢肚、另加兩杯凍飲，承惠$166。點餐後，就進入漫長嘅等待喇…… 冇錯，原來嚟雲家就要預咗等最少15分鐘。今日又遇著好多外賣，就更慢喇！結果等咗差唔多25分鐘。米線上枱第一件事就係飲湯，佢嘅酸辣係帶甜味嘅，個人喜好再酸啲，但枱面上冇任何調味料，想加醋加辣都唔得，有少少不知所措。只可以講各有所好啦😅 ！腩肉係瘦肉，偏乾但份量好足，食極都有，非常抵食。燕皮肉餃有3-4隻（唔記得），燕皮比雲吞皮薄少少，其他差唔多。肥牛就份量少，只有3片，唔抵食。米線比較軟身，但份量好多，比雲貴川更多。第一次食一碗米線就飽成咁。🤣涼拌麻辣金錢肚蒜頭辣椒好多，但唔麻唔辣，仲有少少鹹。但味道整體嚟講都OK 嘅。總結一下鹹魚青菜各有所愛，口味唔同都好難講得中肯。於我而言，佢味道雖好，但未到神級，亦唔入我嘅三大。對於雲南米線，我個人偏好重
今日唔係好多人，等咗兩枱就到我哋喇！店內地方唔大，每枱都好迫，坐得唔係咁舒服。😅
餐單選擇多，但今日冇熱/冷撈米線，只有湯米線。聽聞佢嘅酸辣湯底唔錯，今日揀咗酸辣腩肉燕皮肉餃湯米線、酸辣腩肉肥牛湯米線、涼拌麻辣金錢肚、另加兩杯凍飲，承惠$166。
點餐後，就進入漫長嘅等待喇…… 冇錯，原來嚟雲家就要預咗等最少15分鐘。今日又遇著好多外賣，就更慢喇！結果等咗差唔多25分鐘。
米線上枱第一件事就係飲湯，佢嘅酸辣係帶甜味嘅，個人喜好再酸啲，但枱面上冇任何調味料，想加醋加辣都唔得，有少少不知所措。只可以講各有所好啦😅 ！腩肉係瘦肉，偏乾但份量好足，食極都有，非常抵食。燕皮肉餃有3-4隻（唔記得），燕皮比雲吞皮薄少少，其他差唔多。肥牛就份量少，只有3片，唔抵食。米線比較軟身，但份量好多，比雲貴川更多。第一次食一碗米線就飽成咁。🤣
涼拌麻辣金錢肚蒜頭辣椒好多，但唔麻唔辣，仲有少少鹹。但味道整體嚟講都OK 嘅。
總結一下鹹魚青菜各有所愛，口味唔同都好難講得中肯。於我而言，佢味道雖好，但未到神級，亦唔入我嘅三大。對於雲南米線，我個人偏好重口味啲，多酸多辣。而我覺得佢最需要改吓啲出餐流程，減少客多混亂嘅情況。
張貼
