影片
更多
2020-07-24
134 瀏覽
早排假期入左元朗行，打開openrice決定去試呢間被超多好評評為地道台灣菜既黃店，可惜食完呢餐之後我真係覺得永遠唔好盲目相信好評🚫 .餐廳面積比較細只有20個座位，由於幫襯當日仲行緊限聚令只能坐5-6檯人，係門口企成個鐘先有得入座😵 入到餐廳剛好被安排坐係走廊位最尾一張檯，咁岩靠近廚房出菜位店員不時係旁邊經過，成餐都食得有少少唔自在😕******************************✨肉鬆芋泥吐司🍞 ($40)芋泥係台灣既火紅食物，台式早餐店開到成行成市都賣緊芋泥肉鬆吐司🍞而呢股芋泥熱潮近呢一年都殺到黎香港飲食界🔥等位期間keep住見到有人外賣買佢都滿心期待既，點知期望過後盡是失望....💔芋泥味道偏淡食唔出芋頭味，選用既肉鬆係某台灣知名品牌同我屋企食開既個罐係一模一樣💀至於吐司(方包)質感除左偏乾之外亦無正常麵包既味道，咬左一啖已經唔想食落去....其實幫襯既前幾日我都試過係屋企自家製，坦白講句我覺得自己整既更好食，而呢度一份索價40大元覺得不值💸 -✨炸地瓜球滾花生🧆🥜 ($40)由於menu上面無相睇到只能自行腦補，就咁睇菜名會以為係QQ既地瓜球灑上花生粉好似糖不甩咁
早排假期入左元朗行，打開openrice決定去試呢間被超多好評評為地道台灣菜既黃店，可惜食完呢餐之後我真係覺得永遠唔好盲目相信好評🚫 .
餐廳面積比較細只有20個座位，由於幫襯當日仲行緊限聚令只能坐5-6檯人，係門口企成個鐘先有得入座😵 入到餐廳剛好被安排坐係走廊位最尾一張檯，咁岩靠近廚房出菜位店員不時係旁邊經過，成餐都食得有少少唔自在😕
******************************
✨肉鬆芋泥吐司🍞 ($40)
芋泥係台灣既火紅食物，台式早餐店開到成行成市都賣緊芋泥肉鬆吐司🍞而呢股芋泥熱潮近呢一年都殺到黎香港飲食界🔥
等位期間keep住見到有人外賣買佢都滿心期待既，點知期望過後盡是失望....💔芋泥味道偏淡食唔出芋頭味，選用既肉鬆係某台灣知名品牌同我屋企食開既個罐係一模一樣💀至於吐司(方包)質感除左偏乾之外亦無正常麵包既味道，咬左一啖已經唔想食落去....
其實幫襯既前幾日我都試過係屋企自家製，坦白講句我覺得自己整既更好食，而呢度一份索價40大元覺得不值💸
-
✨炸地瓜球滾花生🧆🥜 ($40)
由於menu上面無相睇到只能自行腦補，就咁睇菜名會以為係QQ既地瓜球灑上花生粉好似糖不甩咁，點知炸地瓜球實物外皮又乾又硬內裡口感完全唔Q，10粒又係索價40大元真係台幣變港幣咁收🙄 伴碟既仲有蜜紅豆，估唔到最正常既居然係伴碟菜...
-
✨仙草芋圓1號 (三色芋圓+ 蜜紅豆 + 海藻水晶) ($34)
個人認為真心難食.....感覺同食緊超x牌罐頭涼粉無分別😂
如果大家無係台灣食過仙草，推介大家去開深水埗可以試下 #康瑞甜品，試過就會明白點解我會話呢度既仙草並非真正仙草😩
芋圓相信真係店家手工製，但除左芋頭個款食到有芋味，另外兩款係食唔出🤦🏻♀️
至於配料，因為食地瓜球時已經食過蜜紅豆，再食就覺得有d甜膩；而海藻水晶本身浸過糖水所以偏甜
-
🥢2號乾拌套餐 ($66)
✨綜合丸湯 (花枝丸&香菇貢丸)🍲 (單點$24)
街市凍肉舖貨色，唔好期望係正宗台灣丸😂
-
✨ 乾拌麵 (刀削麵)🍜 (單點$40)
唯一滿意既係呢碗乾拌麵，雖然只係辣醬+魯肉+刀削麵條，但起碼叫做有返陣台灣味道😂
-
✨ 冷泡無糖高山茶🍵 (跟餐) (單點$15)
平時都有飲開出面台式飲品既無糖茶，呢度既冷泡茶唔錯，幾有茶香👍🏻
******************************
👧🏻人均消費：$90
👍🏻味道指數：1.5/5
👍🏻抵食指數：2/5
👍🏻環境指數：2/5
👍🏻再訪指數：N/A
-
📍 羅東肉焿番
地址：元朗鳳翔路69號建輝大廈地下5號舖
⏰營業時間：12:00–21:15
張貼
