影片
更多
2022-06-30
275 瀏覽
平日冇睇openrice習慣，昨晚同朋友慶祝，因緣簡中食呢間餐廳，大概7點入場，我地係第一枱客。店內裝潢很好，店員亦有禮，整體氣氛幾好，但食物破壞左氣氛。借用其他用戶琴日分享既圖片，我地叫左2份6道菜晚餐，埋單$238一位(未計加1)雖然頭盤寫味增焗蠔，但店員好體貼地問要唔要轉生蠔，於是我地都轉左生蠔。而生蠔上到黎冇檸檬冇茄醬，見蠔外圍有好多水，以為檸檬汁好體貼地加左入去，點知一食發現係冇，而且蠔唔太新鮮，食落仲有D沙。食完後已經覺得少伏，去到餐湯，係蕃茄凍湯。一飲落去真係不得了...D湯凍到有雪味，仲有百味交集，唔知點形容，淡淡既蕃茄味配濃濃既黑椒、蒜味，仲有其他食唔出咩黎，同其他餐廳既凍湯完全兩樣野黎。朋友飲曬，我飲左兩啖果斷放棄，店員收碟尷尬地問係咪唔岩食，我話係。沙律部分，朋友叫煙三文魚凱撒沙律，我叫鴨胸田園沙律。朋友D煙三文魚少到幾乎睇唔到都算...仲要咸到佢面容扭曲，我睇到都唔敢食。至於我份鴨胸，鴨胸一拮落去係出水! 唔係血水，係透明水，我真係冇見識過。食落口時，溫度係介乎溫溫地偏凍既溫度，感覺係雪解凍完就放上盤咁，味道半生熟，冇煎香味。而沙律醋落太多，D菜非常之酸。頭盤咁
借用其他用戶琴日分享既圖片，我地叫左2份6道菜晚餐，埋單$238一位(未計加1)
雖然頭盤寫味增焗蠔，但店員好體貼地問要唔要轉生蠔，於是我地都轉左生蠔。
而生蠔上到黎冇檸檬冇茄醬，見蠔外圍有好多水，以為檸檬汁好體貼地加左入去，點知一食發現係冇，而且蠔唔太新鮮，食落仲有D沙。
17 瀏覽
0 讚好
0 留言
食完後已經覺得少伏，去到餐湯，係蕃茄凍湯。一飲落去真係不得了...D湯凍到有雪味，仲有百味交集，唔知點形容，淡淡既蕃茄味配濃濃既黑椒、蒜味，仲有其他食唔出咩黎，同其他餐廳既凍湯完全兩樣野黎。朋友飲曬，我飲左兩啖果斷放棄，店員收碟尷尬地問係咪唔岩食，我話係。
15 瀏覽
0 讚好
0 留言
沙律部分，朋友叫煙三文魚凱撒沙律，我叫鴨胸田園沙律。朋友D煙三文魚少到幾乎睇唔到都算...仲要咸到佢面容扭曲，我睇到都唔敢食。至於我份鴨胸，鴨胸一拮落去係出水! 唔係血水，係透明水，我真係冇見識過。食落口時，溫度係介乎溫溫地偏凍既溫度，感覺係雪解凍完就放上盤咁，味道半生熟，冇煎香味。
而沙律醋落太多，D菜非常之酸。
12 瀏覽
0 讚好
0 留言
頭盤咁樣都算，諗住等主菜會好少少，但意大利飯上到黎，份量細到得3啖，真係非常無奈!!!我個帶子仲出緊啡水!!而且帶子無味道，連海鮮味都冇，明顯係急凍而且調味都唔落。食到呢到我真心嬲左!
不過，雖然飯偏軟身，但黑松露汁好濃好香，呢點做得唔錯!
11 瀏覽
0 讚好
0 留言
去到羊柳仲激氣，份量細、冇汁冇味之餘，朋友叫7成熟，我叫5成熟，但兩份都勁鞋勁硬，朋友個份食落竟然軟身過我個份，我當佢搞錯左熟度啦，個伴菜都出曬事-.-冇味，好似燒味飯D伴菜咁。
全份扒得薯蓉係正常水準。
14 瀏覽
0 讚好
0 留言
最後到甜品都知一定出事，事前店員話係芝士吉士撻之類。而白色個舊芝士冇芝士味，吉士冇吉士味，係完全冇味!
水果部分變色變味，明顯係放室溫太耐，而撻底好粉，極痴牙
19 瀏覽
0 讚好
0 留言
廚師講左好多，解釋話因為係意大利菜，羊柳係會硬身D，個凍湯同扒既伴碟係想解暑熱等等。都明白一片用心，但難食就係難食，仲要份量少，食完好似冇食過，食開西餐都明白呢個價絕對唔抵。見廚師同老闆娘不斷解釋，希望我地明白佢地既一片用心。見佢地冇回應食物味道呢點，我地都懶得講太多，理解左餐廳用心，咁不如就將評價係放係到，比老闆娘慢慢睇睇。
後來老闆娘仲話餐廳廚師個個酒店出身，甜品師傅係世界頭30名名單內，特別強調呢到有好多熟客，成日比人包場芸芸，個個都食得開開心心，冇好似我地咁話難食。無既...咁我祝老闆娘生意興隆!
離開時大約8半，計埋我有4枱客，希望除左我地之外大家都食得開心。
張貼
