阿閒泰 (K11購物藝術館)

營業中

休息中

第三次嚟阿閒泰吃飯，炒飯不錯，炭燒叉燒還好，好多肥膏，叫左一杯班蘭奶綠雪糕，菜都上齊，食到一半都未到，問左一次，個職員話幫我哋睇吓，一擰轉面就企喺原地完全冇行過去吧枱，就咁企喺度同另一個同事傾偈，唔清楚佢究竟有冇真係幫我哋跟進，反正最後都冇同我哋講個進度，佢地吧台一時好多人喺度行行企企，一時可以一個人都冇，第二次問另一個較為有禮貌職員飲品整好未，若未整請替我取消，職員跟進後覆翻我佢地未幫我整所以替我取消，轉眼間我睇到係我之後的客人兩杯特飲都已經送到上枱面，簡直不知所謂。而且佢哋職員（尤其較為年長的女職員）好鍾意黐埋一齊傾偈，就咁舉手同佢哋對望都唔理你，要大嗌唔該先理你，以後唔會再幫襯。