玉桃軒酒家 (鱷魚恤中心)

營業中

休息中

細妹生日，想食片皮鴨，見到哩間有，就試試，Book左8：30, 6位，去到門口，有三位部長，見到我地都無主動帶位，要我地等五分鐘，成間酒樓無full,但都有十幾張檯食緊，我地叫左八碟餸，未到9點就叫我地埋單，仲叫我哋慢慢坐，當時未上齊餸，成1600埋單，之後再來餸時，個侍應手托住兩碟餸叫無位擺，你地叫好多餸，我細佬出聲，多餸都要你管？仲要幫你搵位擺？最過份係未到9：30,已經走左九成客，佢地開始執野，幾個人成日行過來望我地食完未？一個望完到另一個，電視熄埋，執晒附近既檯，我問其中一個侍應你地收幾多點，openrice是11：00, Google 係11：30,但而家只係9：30,個侍應支吾以對話差唔多啦，妹夫：你唔好執，你令我地感受十分不好，我地原本仲有生日蛋糕食，後來見佢地十幾人企晒係到望住我地，都唯有拎走唔係到食，最後妹夫出聲話佢地，佢地其中一個侍應仲笑笑口講：我地多人梗係望你啦，（仲未知自己乜嘢問題😵‍💫）咁嘅價錢，畀咁嘅服務質素冇下次