影片
更多
2023-08-12
190 瀏覽
星期日中午去左銅鑼灣板神食$398鐵板燒14品套餐，網上經常見到有廣告同食評推薦，所以提早兩日已經訂咗位，中午時間限時食1.5小時。入到去原來地方好大，鐵板燒位置主要靠近落地玻璃，望到出面景觀。我哋坐嘅房間一位廚師負責大概五名客人，就算大家選擇唔同嘅菜單，廚師都照顧得到。先嚟前菜同沙律，沙律用咗柚子醋酸酸甜甜幾開胃。刺身有三款，我哋另外加購生蠔，生蠔上面有啫喱調味，幾特別！喺我哋食緊前菜沙律同刺身嘅同時，大廚已經準備好第一道南非鮑魚，好細心去除內臟同切成細細粒，煎嘅程度啱啱好唔會靭。第二樣煎大蝦，除咗去除蝦殼，廚師仲會連蝦頭嘅肉都拆出嚟俾我哋食。然後到自選菜式，當日我哋試咗聖子同法國鵝肝，聖子好大粒足夠兩個人share食。法國鵝肝配搭細細個漢堡包，麵包吸收晒鵝肝油份，亦都好夾！炒雜菜味道略嫌不足，可能單單只靠岩鹽、黑椒調味有點單調。然後我哋選擇咗薄燒日本豚肉及美國牛肉，兩個煎的方式都會夾住乾蒜同蔥，再放喺印有板神的麵包上，個人認為豚肉比較出色，因為調味較好，另外炒豚肉後會用類似春卷紙包住，煎得好脆😍然後上炒飯，炒得粒粒分明好乾身，不過都係調味唔夠。最後甜品係半塊焦糖多士同蕨餅，睇住塊焦
入到去原來地方好大，鐵板燒位置主要靠近落地玻璃，望到出面景觀。我哋坐嘅房間一位廚師負責大概五名客人，就算大家選擇唔同嘅菜單，廚師都照顧得到。
先嚟前菜同沙律，沙律用咗柚子醋酸酸甜甜幾開胃。刺身有三款，我哋另外加購生蠔，生蠔上面有啫喱調味，幾特別！
喺我哋食緊前菜沙律同刺身嘅同時，大廚已經準備好第一道南非鮑魚，好細心去除內臟同切成細細粒，煎嘅程度啱啱好唔會靭。
第二樣煎大蝦，除咗去除蝦殼，廚師仲會連蝦頭嘅肉都拆出嚟俾我哋食。
然後到自選菜式，當日我哋試咗聖子同法國鵝肝，聖子好大粒足夠兩個人share食。法國鵝肝配搭細細個漢堡包，麵包吸收晒鵝肝油份，亦都好夾！
炒雜菜味道略嫌不足，可能單單只靠岩鹽、黑椒調味有點單調。
然後我哋選擇咗薄燒日本豚肉及美國牛肉，兩個煎的方式都會夾住乾蒜同蔥，再放喺印有板神的麵包上，個人認為豚肉比較出色，因為調味較好，另外炒豚肉後會用類似春卷紙包住，煎得好脆😍
然後上炒飯，炒得粒粒分明好乾身，不過都係調味唔夠。
最後甜品係半塊焦糖多士同蕨餅，睇住塊焦糖多士由砂糖煎到金黃色，真係好滿足。
整體以$398嚟講真係好抵食，不過只有1.5小時，食得有點趕，最後炒飯甜品都是食得匆匆忙忙的。不過性價比極高，都係十分推薦！
張貼
