Muze Mozz (已結業)

路過呢間酒吧餐廳 ❥⧽Muze Mozz ❥⧽, 感覺非常溫馨, 所以入去 Chill 吓順便食飯。餐廳好多 bar 枱, 有一邊牆有喵星人壁畫, 好驚喜。𓊈澳洲糓飼豬鞍串燒 $𝟷𝟹𝟾𓊉豬鞍燒得好惹味, 肉質結實, 充滿肉汁, 連埋燒洋蔥一齊食更加 Juicy, 蕃茄仔好新鮮, 一咬落去就爆曬蔬果汁, 好味!𓊈北海道松葉蟹腳忌廉意粉 $𝟷𝟼𝟾𓊉松葉蟹腳好鮮甜, 意粉味道非常 Creamy, 裡面有好多蟹肉同洋蔥粒, 估唔到份量都幾多, 食極都仲有。𓊈泰式烤豬頸肉捲餅 $𝟺𝟾𓊉呢個捲餅真係有泰式風味, 好驚喜, 豬頸肉好爽脆, 裡面有大量蔬菜所以完全無油膩感, 側邊仲配有沙律菜, 成件事好 fresh! 𓊈 西班牙手工炸薯波 $𝟺𝟾𓊉薯波好好味! 新鮮炸起所以外皮好鬆脆, 裡面嘅薯蓉軟綿綿!𓊈Muze Punch $𝟻𝟻𓊉Muze Punch 有橙汁, 菠蘿汁同香蕉, 加埋一齊味道好夾, 唔會太甜, 好飲呀!𓊈Little Creature IPA $𝟻𝟾𓊉IPA 好重啤酒花味, 味道甘香可口。♡♡ 整體食物飲品都好好, 係一個同朋友食飯傾計嘅好地方。