紅堂 (已結業)

我同朋友都成日搵好食高質邊爐😝😝今次有幸有朋友推介搵到呢間川式火鍋，加上本身對四川食物好感興趣，即刻去試下佢先😊😊食完成個星期，我都好好好掛住紅堂精神準備嘅紫菜響鈴，職員介紹佢係為客人即炸架，所以仲有香脆口感，同平日超市買到嘅係唔同嘅😝加埋吸收曬香濃湯底，呢個時係好想講句oiyishi❤️❤️真係覺得好幸福至於湯底方面，因為朋友好鍾意食米線，所以揀左東北酸菜白肉鍋，唔好講笑，紅堂嘅湯底好足料，我地食極仲有白肉，係脂肪均勻嘅白肉，令人食極唔停😋打邊爐點少得食牛😎我地想食好少少，所以揀左美國牛肩胛肉，果然無令人失望，牛肉脂肪入口即溶，牛味散發係口腔，口感同香味都恰到好處😝