影片
更多
2017-03-10
961 瀏覽
朋友話成日食日本菜,中菜,西餐,開始有D悶,係時候要試下新野..所以上OPENRICE特別搵左呢間食土耳其菜黎試下,地址比較難搵,因為得街號,而且唔係地鋪,睇唔到個餐廳名,所以我同朋友由街頭行去街尾,行左2次先搵到,環境寧靜舒適,而且仲有隻鎮店貓貓陪玩.呢度既套餐價錢由$168~$780左右俾客人選擇,基本大多係廚師安排菜色,落單前店員會問客人有咩係唔食得,岩晒我呢D選擇困難既人特色沙律:一般食既沙律都係有沙律醬或者醋汁,而呢度既沙律只有鹽,黑胡椒,香草,橄欖油同白芝士,用料天然,而且味道比一般既更為惹味,拌勻新鮮既蕃茄同生菜,感覺清新特別.香料烤雞配香草飯:外皮雖然有少少烤焦左,但肉質仍保持嫩滑多汁,而且配合自製香料,食落別有一番風味,再點上乳酪醬,更添滋味,烤雞下既香草飯,吸收左烤雞既味道,油潤濃香既米飯,三兩下就俾我同朋友清碟東歐鮮奶玫瑰咖啡:呢度既咖啡係熱沙上面煮,好有特色,所以一定要叫黎試下.一飲就有濃香既玫瑰味,咖啡味柔和易入口,口感有沙,幾特別東歐玫瑰乳酪:同樣好香濃既玫瑰味,配上徵酸既乳酪,不會太甜,入口香滑牛肉腸pizza:餅皮簿而香脆,番茄醬配大量芝士,非常夾,加上
呢度既套餐價錢由$168~$780左右俾客人選擇,基本大多係廚師安排菜色,落單前店員會問客人有咩係唔食得,岩晒我呢D選擇困難既人
特色沙律:一般食既沙律都係有沙律醬或者醋汁,而呢度既沙律只有鹽,黑胡椒,香草,橄欖油同白芝士,用料天然,而且味道比一般既更為惹味,拌勻新鮮既蕃茄同生菜,感覺清新特別.
香料烤雞配香草飯:外皮雖然有少少烤焦左,但肉質仍保持嫩滑多汁,而且配合自製香料,食落別有一番風味,再點上乳酪醬,更添滋味,烤雞下既香草飯,吸收左烤雞既味道,油潤濃香既米飯,三兩下就俾我同朋友清碟
東歐鮮奶玫瑰咖啡:呢度既咖啡係熱沙上面煮,好有特色,所以一定要叫黎試下.一飲就有濃香既玫瑰味,咖啡味柔和易入口,口感有沙,幾特別
東歐玫瑰乳酪:同樣好香濃既玫瑰味,配上徵酸既乳酪,不會太甜,入口香滑
牛肉腸pizza:餅皮簿而香脆,番茄醬配大量芝士,非常夾,加上牛肉腸既香濃肉香,配埋香草,真係完美配搭,2人食份量岩岩好,唔會太膩.
炸魚塊:有蜜桃,魚塊,自製千島醬,蕃茄,整道菜顏色吸引,味道層次豐富,先由香甜既蜜桃配上脆口魚塊同微酸蕃茄,真係一道完美呈現出色.香.味.既小食
茄子薯仔配自製乳酪:薯仔同茄子都係新鮮,似係油炸,但唔脆口,又唔會太膩,配上酸酸地既乳酪,特別開胃.
羊肉配烤餅:熱辣辣既烤餅,配上適合自己份量既餡料,好玩又好食.羊肉有少少羶味,有D辣,十分惹味,夾埋香草味十足既青瓜,番茄,紫色洋蔥,味道豐富
土耳其龍鬚糖:同平時食既龍鬚糖無咩分別,甜而唔黏牙,入口即溶,配上唔同味道既土耳其糖,雖然比較硬身,但味道突出,係一道特別既甜品
張貼
