呢排要早早返工,早早收工返屋企,好耐都未出過去食飯. 所以今日決定同朋友出下街食個飯. 朋友介紹呢間打卡餐廳,一入去就好似去左萬花筒世界 枱面有個萬花筒,可以俾客人玩下. 芝士焗黑松露薯條$98:一上枱就已經聞到勁香黑松露味,而且黑松露份量十足,滿滿灑係薯條上,中間有2款不同而味道濃郁既芝士,仲可以拉絲,薯條好脆,每啖都有黑松露,實在一試難忘. 黃金蟹肉配黑橄欖醬意大利粉$188:蟹肉嘅份量有好多,仲有金箔點綴,賣相不錯哦.蟹肉沒有腥味,拌埋醬汁更加滋味,配上黑橄欖醬,口感滑順,味道獨特,意大利粉軟硬適中. 富士山的雲端-藍橙雲呢拿牛奶$82:朋友點左呢杯富士山的雲端,店員好細心咁介紹點去調配,隻杯係富士山形狀,藍橙雲呢拿牛奶沖入奶泡中,最後再加上彩色糖粒做點綴,好玩之餘,又滿足視覺感受,味道方面雲呢拿味甜而不膩. 士多啤梨三重奏$88:同樣店員好詳細咁介紹點去調配,首先放入士多啤梨落中間位置,再倒入士多啤梨牛奶落奶泡中,奶泡會慢慢升起,十分有趣,最後再加上彩色糖粒做點綴.味道方面有香甜清新既士多啤梨味,最後可以食返粒士多啤梨,酸酸甜甜.

之前係捷利商業大廈已經食過,覺得食物質數同價錢都唔錯...
原本諗住食多次,點知見佢搬左,係openrice一搵之下發現原來係H8個度,平時都同朋友去個邊搵食,約人好方便.餐廳風格無咩點改變,環境同坐位依然咁舒適. 我揀左精選晚市套餐C$288,有餐前麵包,沙律,餐湯,主菜,咖啡或茶...
份量十足,價錢合理. 餐湯係南瓜湯,色澤金黃,味道香甜,濃郁既南瓜香加埋淡淡既忌廉奶香,口感綿密滑順,帶有自然甘甜. 餐前麵包有3款:圓餐包軟熟,抹上牛油後更加香而滋味;牛角包有牛油香,口感酥脆,配埋藍莓味果醬味道更豐富;香草餅乾條有濃濃既香草味,硬得黎有點脆,帶黎唔同口感. 意大利巴馬火腿凱撒沙律:羅馬生菜好新鮮清爽,巴馬火腿油潤帶鹹香,配上麵包粒亦提升沙律既脆香感. 西班牙黑毛豬扁意大利麵配黑松露汁:份量十足,絕對對得起個價錢,黑松露味濃,意粉口感彈牙,7成熟既黑毛豬,好厚身大塊,無豬肉既羶味,肉嫩多汁,食落唔韌,且有咬口感. 跟餐既熱咖啡唔需要加錢,咖啡味道甘香醇厚,配上微溫既奶,十分滿足. 伯爵茶慕絲蛋糕(跟餐加$30):蛋糕有陣陣既伯爵茶清香,配合軟滑既慕絲,少甜不油腻,作為飯後甜品一流.

今日出開葵芳做野，收工就約埋朋友2個去打邊爐，呢間我地想去好耐，可以1人1鍋，岩晒2人去食，獨自去食都唔尷尬，坐位舒適，價錢合理。 我地揀左$249/位，北海道夢之大地豚放題套餐揀選火鍋配料、醬料既自助吧都好方便，一行排列，而且好乾淨，選擇唔算多，但都足夠。
飲品方面除左平時飲到既罐裝飲品同熱茶外，仲有特別既香茅蜜糖茶，飲落清新感十足，好岩夏天飲。店員推介今期特別湯底：冬陰功鍋，裡面有蝦, 魷魚，椰香味十足，湯底唔係好辣，酸酸地，好醒胃，跟鍋配上既泰國蔬菜盤，內有車厘茄，通菜，芫茜，秀珍菇，泰國茄子，青木瓜絲，另外仲有泰式子彈椒及青檸，可加入湯底中，自行調味，如不夠仲可叫店員任加。朋友話要補補骨膠原，所以揀左美肌鍋，濃濃既雞湯味，內有雞件，杞子，京蔥，好足料，岩晒唔食得辣既佢，平時食鴛鴦鍋麻辣湯底都會整到另一邊，今次1人1鍋，朋友覺得很好，可以放心食。嚴選牛肉：油脂比較多，肉味較重，軟滑但有咬口。北海道夢之大地豚：第1次試，油花好平均，口感好細膩，比一般豚肉更為香滑柔嫩，完全無豬臊味。澳洲上級長期穀飼牛：牛肉色澤紅潤，油脂比例較少，肉質鮮嫩，入口不用多咀嚼。蔬菜方面，想不到有羽衣甘藍，所以我同朋友都拎左唔少黎食，新鮮爽脆。除此之外仲有香甜粟米、脆而不油膩既響鈴、鮮嫩生菜和菇菌。自助吧除左蔬菜仲有丸類，其中芝士丸唔錯，咬開就見到芝士、魚片煮完唔會散，都幾嫩滑、牛肉粒就比較韌，但肉味濃、雞件鮮嫩。可以任飲泰國象啤，清清地，又夠冰涼，邊飲邊食，好爽。最後甜品仲有任食HAAGEN-DAZ雪糕，有4款口味揀，包括芒果，朱古力，綠茶，雲尼拿。我揀左有勁多朱古力碎勁濃既朱古力味，同有香甜清新芒果果肉既芒果味，食完好滿足。

今日放工要去旺角買少少野,順便約埋朋友仔搵個地方吹水食飯... 要坐得耐既當然要去樓上CAFE,今次去返呢間係金雞,坐位又大又舒服, 又有免費WIFI又有玩具,真係唔錯 泰式豬頸肉沙律(配意式油醋汁)$62: 朋友鐘意食沙律,所以點左呢個有點肉既沙律俾佢..
份量都幾多,豬頸肉肉質爽而不韌,蔬菜爽脆鮮甜,伴以清新酸酸地既醋汁,非常醒胃. 鹽酥雞粒$48 香脆得黎又熱辣辣,內面既雞肉鮮嫩鹹香多汁,鹽味唔會太濃,惹味香口 Set Dinner G冬陰公忌廉汁海蝦意大利粉$109 是日餐湯係忌廉蘑菇湯 餐湯綿滑順口,充滿了濃濃既蘑菇味,味道自然而不過膩,配埋面包粒,吸晒湯汁,更添口感層次. 冬陰公忌廉汁海蝦意大利粉 呢個真係好特別,意泰Fusion,食落好驚喜
意粉煙韌有彈性,沾上濃厚既冬陰公汁,開胃之餘又惹味,配上海蝦更添鮮味.(Set Dinner杯餐飲可補差額點$32以上既飲品) 咕力樂$50-$32=補差額$18 鐘意朱古力既我,當然要點返杯黎飲...
係眾多既選擇中,揀左呢杯由樂家杏仁糖配朱古力冰,飲落唔會太甜,樂家杏仁糖味唔算太突出,但最後食到杏仁脆粒,都幾特別,蠻順口好喝. 紅粉菲菲$50 朋友揀左呢杯係由雜莓配乳酪冰,第一啖飲起來似益力多味,再飲會有莓味,味道酸酸甜甜,邊食野邊飲好解油膩感. (Set Dinner可優惠價加$10點2款蛋糕) 我揀左紐約芝士蛋糕,濃郁芝士味,望上去好厚實,但入口細緻滑溜,愈吃愈上癮

今日老豆生日,所以由佢話事...
老豆表示緊係打邊爐,任飲任食個種,最岩佢心水..
最後決定近近地荃灣,$218/位,有得食火鍋+日本料理+甜品,抵食呀 我地揀左胡椒豬肚湯底...胡椒味唔太突出,豬肚處理得相當乾淨,有嚼勁火鍋料有3張揀,日本料理有5張,甜品有1張,都好多選擇..飲品同樣有好多選擇,仲有幾款有酒精既,熱既有茶包.. 醬料除左醬油,芝麻醬,同柚子醋,仲有自家制辣椒油,沙律醬等等...連雪糕配料都有,需要多少就拎多少,真心唔錯...蔬菜,菇菌類,麵食都可以係出面自己拎取,全都好新鮮,時不時都有店員加添 響鈴都幾脆,浸一浸,吸收晒D湯汁,仲好味.
芝士波波腸就芝士味唔突出,但脆卜卜.
魚皮餃就麻麻地,可以唔點.
凍豆腐就不得了,吸晒D湯汁,口感十足
午餐肉每次必點,味道正常.
川辣牛丸都有少少辣,幾彈牙.美國極上牛肉脂肪成分少,牛味較重. 美國牛肉脂肪比例唔算平均 但口感唔錯.
特選豚肉味濃郁有嚼勁之如卻一點不韌.印尼海蝦大大隻,蝦肉結實爽口 日本廣島蠔蠔身肥大,蠔味重又滑溜
牛栢葉入口脆口
墨魚滑比一般既份量較少,但都口感彈牙又爽甜,所以之後都有點多次三文魚好厚身, 又肥美,口感滑且帶點油脂感 赤貝有海水味,口感外層爽脆
有頭甜蝦無雪味,味道鮮甜,口感黏黏地帶點膠質
帶子肉身極富彈性，味道鮮味甘甜.火炙芝士蝦壽司表面燒至微微焦香,燒至半溶的芝士,配上熟蝦,真係好滋味. 花之戀壽司賣相不錯,亦係我至愛,一大片三文魚捲著,配上滋味既蛋黃醬,加埋滿滿既蟹籽,真係無得輸.
黑松露帶子壽司松露入口超香,帶子肥大又夠鮮
芒果吉列蝦卷芒果嘅酸甜配 中和左炸蝦嘅油膩感,唔錯
海膽三文魚籽軍艦海膽口感較黏稠,入口即溶,三文魚籽顏色鮮艷,粒粒晶瑩剔透,鹹香鮮味,兩者配合一起,口感十分豐富.芝麻雞翼外皮金黃酥脆,嫩滑既雞肉,非常香口 黃金炸生蠔熱辣辣,口感香酥鬆脆,鮮嫩多汁
榴槤炸彈外脆內軟,入口啖啖榴槤果蓉,味道濃郁宇治抺茶芭菲賣相吸引,由上到下係-抹茶雪糕,白玉,朱古力脆米,cream,果凍,食落口感層次豐富,真係值得一試既甜品之選 芒果班戟外皮又薄又軟,再加上香甜芒果同香滑忌廉,份量細細一件,唔錯
仙草芋圓糖水較甜,芋圓有咬勁,仙草滑嫩,兩者配合讓人好滿足
榴槤甘露榴槤控真係唔好錯過呢個,榴槤肉味道好濃郁,真係食完再仲想食多碗
冰糖雪梨桃膠,媽媽要食熱既,所以點左呢個糖水俾佢,清爽得黎又滋潤

終於到我生日月,所以同朋友約左黎食日式燒肉
100分鐘任食放題,我地揀左華美清馥燒肉放題$288/位一黎就有份拼盤,豬腩肉肉質很軟腍;牛舌爽口;雞柳肉質韌而富彈性,同生菜可配埋肉一齊食,無咁膩.牛仔骨:牛肉味相當濃郁,加上肉質與脂肪比例均勻,肉質嫩滑
霜降迷你牛扒:油脂分佈平均,燒出來油香潤澤,肉質較緊實牛脊肉:肉質肥腴厚實,筋腱軟棉,略有嚼勁
牛肋肉:肉味香濃,肥瘦適中吃起來質感細膩juicy蔥盛薄切牛舌:爽口、彈牙、煙韌兼且又有嚼勁的口感,配埋葱粒完全一絕.大蝦:肉質結實鮮甜;魷魚:肉質富有彈性,口感有嚼勁;牛油帶子:比較細粒,肉質嫩滑,有牛油香.牛油燒蠔:都幾大隻,肉質肥美,入口好濃海水既鮮咸味牛油金菇:新鮮爽口,:牛油香噴噴,加埋蒜蓉惹味香口柚子醋羽衣甘藍腰果沙律:食左咁多肉,當然要點返個沙律黎食,柚子醋酸酸甜甜,可中和油膩感,羽衣甘藍好爽脆.吞拿魚配蕃茄:清新清爽既蕃茄配上吞拿魚做點綴,唔錯既小食明太子芝士石鍋飯:份量4人食剛剛好,有明太子既咸鮮味,配埋芝士好滋味,拌埋一齊仲係熱辣辣,到最後仲有飯焦底,好正迷你拉麵:1人份量,暖暖地,湯底係豬骨味,麵質好彈牙,再另配燒肉食,更豐富.迷你蕃薯:口感軟糯,一口一粒,香甜可口;菠蘿:酸酸甜甜既菠蘿,幫助消化;香蕉:香甜軟腍紅豆鯛魚燒:燒到外脆內軟,紅豆餡料份量適中,味道剛剛好,唔會過甜.movenpick雪糕:每人有一杯,士多啤梨味酸酸甜甜,朱古力味好濃,唔會太重奶味,唔錯.汽水任飲

今日朋友要去深水埗買電腦配件,所以我地約左放工就出去. 但因為我堅肚餓既關係,所以就決定去醫肚先,之後先去黃金買野. 估唔到唔打唔撞,俾我地搵到呢間食麻辣野既,最重要唔洗等位,而且地方乾淨舒適 麻辣牛腩大腸麵(微辣)$50:份量都幾多,湯底麻香十足,有辣勁卻唔係辣到麻痺那種,令到不太嗜辣既我都能接受,麵質軟硬度適中,牛腩肉味頗濃,肉質腍身好滑;大腸處理得很乾淨,而且食落彈牙有嚼頭,麵底仲有蔬菜,新鮮爽脆. 麻辣雲耳(小份)$15:份量足夠2人食,價錢又抵,雲耳味道辣中帶點微酸,食落爽口又脆, 開胃又惹味. 麻辣黃金皮蛋(小份)$15:蛋白位晶瑩剔透,咬下質感似硬身啫喱,蛋黃帶溏心 ,有蛋黃香,賣相一流,配上惹味既麻辣汁,更刺激過癮 自家製豆漿(跟餐)$2:有濃濃既豆味香,香甜而不膩,食完辣野飲佢好解渴.

同朋友去黃金買完電腦配件,話咁快就9:00,當然要去食埋個甜品,咁就完美
係附近轉左一圈,一見到呢間咁有懷舊風味既糠水鋪,就決定去試試. 入到去,無論係店鋪既裝潢,連餐桌椅子都好似返左去舊時.
下次有機會都要帶老豆同媽媽黎懷念下. 石磨核桃糊湯丸(熱)$29:核桃糊磨製得非常細緻滑順,食得出用料相當實在,還未入口就聞到滿滿既核桃香,甜度亦控制得宜,微甜不膩既口感讓人忍不住一口接一口,配上兩粒皮薄餡香既芝麻湯丸,十分美味,徹底滿足 蛋白杏仁茶湯丸$31:杏仁茶甘醇不澀,裡面加了嫩滑既蛋白讓其更加稠滑,隨著熱氣傳來陣陣杏仁既香味,讓杏仁茶喝起來淡雅芬芳,卻一點也不會甜膩,加上兩粒皮薄餡靚既芝麻湯丸,真係無得輸

之前行街經過拎左張宣傳單,見到有串串鍋,覺得好好玩,價錢都幾抵$138/120分鐘任飲任食.
今日放工就約埋朋友一齊去試試

醬料唔算太多選擇,有基本既蔥,蒜,芫茜,辣油等...

火鍋配料都幾多選擇,有2大個雪櫃保鮮,而且十分乾淨,店員補充食物亦好快.
飲品有紙包同罐裝飲品,仲有啤酒選擇.

湯底有四款選擇,而我同朋友就比較貪心,所以點左鴛鴦湯鍋(招牌重慶麻辣湯鍋及極品胡椒酸菜豬肚湯鍋)
招牌重慶麻辣湯鍋:好香,唔會太辣,麻味停留於舌尖,十分刺激味蕾.
極品胡椒酸菜豬肚湯鍋:胡椒味突出,豬肚沒有異味, 口感亦適中, 不會大硬或大腍.

第一轉我地揀左少量既黎試試,有牛肉,雞翼,魷魚,牛柏葉,木耳,豬皮,豆卜.....

除左串串之外我地揀左幾款丸類,菇菌類,蔬菜同埋青口...
芝士丸一咬就爆芝,好有驚喜,而普通既丸會切成一半,好岩我呢D過下口忍,又唔想食得多既人,
青口乾淨大隻,都唔錯.
蔬菜同菇菌都同樣乾深清爽.
豆卜唔錯,吸收晒麻辣湯,愈食愈開胃

芫茜牛肉卷係咁多串串中我覺得最好味,嫩滑既牛肉捲住脆爽既芫茜一齊食,給人一種剛柔相濟既味覺感受.

除左雪櫃既配料,仲可以填下單紙,有牛,豬,羊,海鮮等12款選擇...

牛小排:牛味濃,肉汁豐滿,而且口感扎實有嚼勁.

安格斯牛:脂肪比例均勻,肉質細緻,口感豐富嫩滑.
牛梅花:油脂比例較多,肉質柔嫩,多汁鮮甜.
羊片:無羶味,肉質細緻有彈性,口感豐盈.
海蝦:肉質緊致,嚼感彈牙,爽甜鮮味.

沙白:無沙很乾淨,雖然沙白較細粒,但味道好鮮甜.

最後當然唔少得甜品啦,有雪糕同雪條，我比較鐘意食雪糕,呢款雪糕比較奶味重,2種味道都好味

今日約左朋友出黎買運動用品,順便就係附近搵埋晚餐既著落.
經過眾人係openrice既選擇,終於決定呢間咁有懷舊Feel既樓上餐廳. 一入門口就已經好似返到70年代咁,環境都幾大. 屋村三鮮(豬生腸,鴨腎,墨魚)$78:細個爸爸會帶我去街邊檔買黎食,而家大個左好少去街邊檔,今日見到有,當然要叫黎懷念下,生腸非常滑溜彈牙,墨魚爽口煙韌;鴨腎食落既爽且脆,不覺韌,蘸著芥辣和甜醬來吃,辣中帶甜 黑松露鮮蝦多士(3位)$68:多士炸到金黃香脆,外層微微香脆,麵包超軟熟,加上蝦膠好彈牙爽口,仲有鮮蝦味,面上既黑松露醬更增添一份迷人菌香,令人食指大動 蛋白野菜脆米炒飯$88:炒飯分量十足,飯粒清爽分明,蛋白炒飯既味道本身比較清,但撈埋蟹子就味道更豐富,而且仲有脆米,兩者配合食起來多了種脆卜卜的快感. 鮮魚湯杞子浸菜苗$88:上湯有淡淡既魚味同杞子香味,唔會過咸也不腥,白菜苗翠綠鮮嫩,爽脆清新. 士多啤梨三度腩排$108:一般食既係菠蘿配生炒骨,呢度改為士多啤梨都幾特別...醬汁甜酸度適中,食落好開胃,入口還帶水果天然甜香,腩排外脆內軟又 Juciy.