意粉狂熱 (屯門時代廣場北翼)

營業中

休息中

個fd話好耐冇食過意粉狂熱，仲話有新意粉，好啦，今日就陪佢食啦！好，坐低睇下有咩好食先。跟餐可以有忌廉蘑菇湯、洋蔥湯，兩個湯都好足料，我就比較喜歡忌廉蘑菇湯，因為好有菇味。軟殻蟹配海膽忌廉汁鮮製意粉，個意粉present得好靚仔囉，好有fine dine感覺，意粉掛滿海膽忌廉汁，碟上冇多餘醬汁。原隻大大隻軟殼蟹，炸到卜卜脆，好味味！鮭魚菠菜忌廉意粉，叫番個經典意粉，水準依然keep到，忌廉好香滑，意粉好有咬勁，鮭魚肉唔會散收收，唔錯。香濃朱古力窩夫，香港朱古力味既窩夫，配個雲呢拿雪糕黎食，仲有兩件迷你tiramisu，甜品好抵食。飲品就叫左橙汁，熱柚子蜜。