影片
開飯介紹
以合理價格提供一系列的意大利菜式。當中最具代表性的鮮製意粉採用「生麵」(生パスタ)製成，口感彈牙、有濃厚麥香。餐廳堅持自家巧手烹調意粉及製作薄餅餅底，亦會自家研製醬汁、調味
繼續閱讀
營業時間
今日營業
11:30 - 22:30
星期一至日
11:30 - 22:30
*最後落單時間: 22:00
以上資料只供參考, 請與餐廳確認詳情
有關獎賞計劃
優惠
相關文章
呢晚約咗老公食飯😆今次唔係食日本菜、泰國菜‼️係食西餐😍包括黃金四重芝士Pizza、焗薯皮拼盤、肉醬意粉同埋忌廉汁雞扒焗飯。整體嚟講，食物質素唔錯，值得一試！🔥黃金四重芝士Pizza呢款Pizza絕對係芝士愛好者嘅福音！一上枱就聞到濃郁嘅芝士香味，餅底薄脆，咬落去有層次感。每種芝士都有獨特嘅風味，混合埋一齊真係令人回味無窮，配上蜜糖都係超正！🔥焗薯皮拼盤焗薯皮拼盤係我嘅最愛！外皮焗得金黃香脆，入面嘅薯蓉軟滑綿密，仲加咗煙肉碎同埋芝士，味道非常豐富。唯一可以改善嘅係，薯皮可以再大塊少少，咁就更加滿足啦！🔥芝士焗肉醬意粉肉醬意粉嘅表現中規中矩，意粉煮得啱啱好，彈牙有咬口。肉醬嘅味道濃郁，帶有微微嘅蕃茄酸味，同埋香草嘅香氣，整體嚟講幾開胃。不過，如果肉醬可以再多啲，或者加多啲芝士碎，相信會更加出色。🔥忌廉汁雞扒焗飯忌廉汁雞扒焗飯係今日嘅驚喜之作！雞扒煎得外脆內嫩，肉質多汁，完全唔會乾柴。忌廉汁香濃幼滑，同焗飯完美融合，每一啖都充滿住奶香同埋雞肉嘅鮮味。飯粒吸收晒忌廉汁嘅精華，食落去非常滿足。整體嚟講，呢間餐廳嘅食物質素唔錯，尤其係黃金四重芝士Pizza同埋忌廉汁雞扒焗飯，絕對值得推薦！如果鍾意濃郁芝士同埋忌廉風味嘅朋友，一定會鍾意。不過，建議可以配搭一啲清爽嘅沙律或者飲品，平衡返口感。下次一定會再嚟試吓其他菜式！
繼續閱讀
昨天和朋友去屯門市中心食晚飯，我們都想食西餐，我們決定去意粉狂熱開餐，餐廳環境不錯，有些超大卡座，坐得幾舒服。牛油果沙律，都幾大碟，好多牛油果，有幾款沙律菜，感覺幾豐富，牛油果好軟滑，口感很好，沙律菜好新鮮爽脆，加上些沙律汁少少酸甜，幾美味。焗薯皮拼盤，有幾款不同的焗薯皮，薯皮焗得微脆，配肉醬最好味，味道香濃，肉汁豐富。忌廉汁海鮮焗意粉，熱辣辣香噴噴，都唔細碟，有不同的海鮮，如大蝦、魷魚、帶子等，幾多海鮮，意粉亦煙韌彈牙，白汁幾香滑濃厚。咖喱芝士雞肉焗飯，咖喱加芝士焗相當惹味，不辣但挺香，芝士可拉絲，雞肉嫩滑，有肉汁，飯粒分明，不會過軟，相當好味。忌廉蘑菇湯，好香蘑菇味，濃稠度適中，入口濃厚香滑。草莓茶梳打，顏色紅紅的幾吸引，上面有些草莓，不太甜，幾好飲。梳乎厘芝士蛋糕，比想像中好味，蛋糕超軟滑，有淡淡芝士香味，口感十分好。
繼續閱讀
話說，早幾天去了屯門廣場，四處走走想找東西吃吃。剛好看到有Pasta吃，想起都有一段時間沒有吃，看到人不算多走進去看看。坐下不久又開始多人，又是吸人體質XD。掃CODE落單，一大枝水瓶在桌面上，店員放下了水杯和QRCODE就走了。發現單餐後，還可以免費升級一點五倍大小，有飲品和湯選擇，都不錯，當然價錢多一些的預算，還在射程之內。點了肉醬菇類雞肉意粉，肉量不算太多，可是汁醬的調味比較濃，可能是蕃茄為主打底汁。很好的一點是汁醬是掛汁，不是水汪汪那種，每一口意粉也可以有汁醬配合，很久沒有吃這類的意粉。另外一提，忘記了可不可以選意粉的軟硬度，感覺硬一點會比較合自己的口味。環境是不錯，看到都是附近工作的人和家庭為主要，有一些卡位坐，如果是聚餐和打卡都算是一個不錯選擇。留意，此店是收加一服務費，就算基本你掃CODE單也好店名：Pasta Holic意粉狂熱。地址：屯門廣場一樓／UG層？費用：小高價位。如想看更多食評，在個人主頁點擊選，希望有金主課金支持，連優惠券也沒有QQ
繼續閱讀
平常我比較少經過時代廣場北翼，今天下班後跟同事找吃的，見到有一間吃意粉披薩，又有其他小吃及甜品，滿足到我樣樣想試的人芝士焗肉醬意粉他們的焗意粉/ 飯類即叫即做，但不需要等很久便上枱，熱辣辣的焗意粉混合芝士及肉醬，充滿芝士的香氣及醬汁的酸甜; 意粉不會焗至乾水 / 硬，口感適中。明太子海鮮披薩披薩是薄批，烤得金黃酥脆;配料有大蝦及帶子，非常爽口，明太子的鹹香味與海鮮的鮮甜互相結合，每一口都有不同的層次感。焗薯皮拼盤很特色的一道菜! 一個拼盤內有3種口味，分別有煙肉、肉醬及咖喱，薯仔肉不是很多，不會過膩，薯皮焗至香脆，加上配料，口感非常豐富。意式炸魷魚圈配他他汁炸魷魚圈的外層香脆，咬下去時發出清脆的聲音魷魚彈牙有嚼勁，配合一點點酸的他他汁，平衡了油膩感~香濃南瓜忌廉湯南瓜忌廉湯的質感細膩，不會吃到顆粒狀的南瓜，味道又甜又香濃香濃朱古力窩夫整個窩夫都是濃濃的朱古力口味! 配上焦糖香蕉及香草雪糕，冷熱交融，香蕉及雪糕令朱古力窩夫的味道變得不單一， 大滿足
繼續閱讀
今晚有4位成人3個小童，見到餐廳family set 幾抵食，$648，我哋之後再加多一個細pizza 夠晒，晚餐西餐嚟講好實惠🤭當日餐廳話叫滿指定金額再送一份Pizza，正 湯因為有兩碗上錯咗口味，叫佢換，餐廳即時另外補送返兩碗嚟，好好😍洋蔥湯好味，之前成日想飲都搵唔到餐廳有😆忌廉蘑菇湯都好Creamy。 小食叫咗炸雞同埋炸魷魚圈，兩款都新鮮炸👍🏻 主食溫泉蛋松露油蘑菇鮮製意粉同軟殼蟹配蕃茄濃汁鮮製意粉，兩款意粉嘅口感都好好，前者有松露香，掛汁效果唔錯；軟殼蟹好脆口，蕃茄濃汁清新酸甜，兩個意粉屋企人都好鍾意 肉類揀咗加$48嘅安格斯西冷牛扒，估唔到配菜係薯角，好香脆，好味道想另外嗌一份薯角去食🤣可惜太飽，牛扒正常無乜特別，有熱石跟幾好。 飲品水果茶味道比較淡，甜品略嫌太細件，想食甜品嘅建議加錢要窩夫
繼續閱讀