自家製韓國刀削麵 (好順景大廈)

營業中

休息中

最近發現元朗有一間開咗冇耐嘅自家製韓國刀削麵，咁啱禮拜六中午冇乜人，終於有機會試吓，叫咗個花蛤刀削麵同埋牛骨湯刀削麵，估唔到真係出乎意料之外嘅好食～首先個牛骨湯底好清，肉質都唔錯同埋啲麵質好彈牙，以為呢個已經好正，點知花甲刀削麵仲正，數埋數埋都有七、八隻蜆，播湯底啲味道好重海鮮味，啱埋我最鍾意食啲濃味嘢🤩，不知不覺都飲多咗幾啖湯～初時都以為個份量唔會話好多，因為平時食開啲韓國冷麵或者係炸醬麵嘅份量都係唔係好夠飽～點知呢個刀削麵都OK，同埋佢個餐仲包埋一隻大嘅泡菜餃子，都幾入味😋～值得一試