自家製韓國刀削麵 (好順景大廈)

星期五晚上見到全店滿座，相信一定唔錯🤩同好友入去試試，估唔到咁有驚喜😍✨牛骨湯刀削麵✨一上枱，就俾濃郁乳白色嘅牛骨香迷倒，香氣十足😍湯底唔似一般韓式牛骨湯咁油膩，反而夾雜着陣陣胡椒香氣，清爽得嚟帶住層次分明嘅鹹香，非常岀色👍🏻👍🏻刀削麵彈牙煙韌，每條麵條都係手工削出嘅粗條狀，咬落去有嚼勁，又掛湯，真係好正❤️❤️搭配滑溜嘅蛋絲、紫菜及香菇一齊食，更加增添清甜的風味！牛展肉質軟稔，份量不少，令人回味無窮。✨雞髀刀削麵✨雞髀刀削麵同樣用牛骨湯底，但加咗幾塊薯仔令湯底口感更綿密豐厚。薯仔大塊但燉得軟稔，口感軟爛❤️大大隻雞脾非常吸睛，啖啖肉，肉質滑嫩好食，搭配彈力十足的刀削麵，每啖都好滿足。而且湯底帶嘅微辣感，唔會蓋過雞肉鮮味，反而更加提味，令人忍唔住一口接一口咁飲晒碗湯。✨海鮮韭菜煎餅✨煎餅表面香脆得嚟唔失彈性，中間餡料飽滿，煎餅邊緣煎到微焦，油份帶出香味但唔膩口。配埋帶點酸甜嘅蘸醬，令整體滋味更上一層樓。手工刀削麵份量足又夠煙韌彈牙，價錢合理，非常抵食，難怪有不少人排隊。想睇更多介紹，馬上Follow我啦😁。#自家製韓國刀削麵 #香港第一間韓式刀削麵 #牛骨湯刀削麵 #雞髀刀削麵 #韓式刀削麵 #元朗美食 #元朗 #元朗好去處 #big_big_foodie #big_big_foodie食勻元朗 #big_big_foodie食勻香港…查看更多

2025年11月1日星期六下晝五點唔使排隊，真係好想食嘅話可以呢個時間嚟。平時都鍾意食中式那一種刀削麵，所以喺網上見到呢間寫住自家制韓國刀削麵，即刻安排嚟試一試。我哋叫咗牛骨刀削麵、花甲刀削麵、烤牛肉拌飯同埋三拼餃子。以我理解韓國的刀削麵是一道受歡迎的傳統麵食，有其獨特的風味和做法。而且關於韓國刀削麵的特點通常是透過刀削的方式直接削入沸水中，因為麵條是手工刀削而成的，所以會形成不規則的麵條。但是這間店舖的獨特之處是麵條粗幼條條都差唔多，所以應該不是手工刀削麵。猜估自家製韓國刀削麵嘅意思應該係個麵團係自家製。麵條有韌性和口感，我喜歡。麵的份量非常足夠，花甲的數量也不少。不過，牛骨湯刀削麵的牛肉片只有四片，而且又薄又小。拌飯裡的蔬菜很多，但烤牛肉的份量相對較少。餃子則比較大隻，餡料豐滿但稍顯乾燥，不夠多汁。而且餃子皮的彈性也不足，所以扣咗一星。另外門口話會收Visa ，Apple Pay等，其實只係收現金，支付寶，微信和八達通，支付方法較少，都需要扣一粒星。…查看更多

今日同朋友專登去試咗呢間韓國餐廳，主打多款韓式料理，由刀削麵到拌飯都充滿地道風味，即刻同大家分享～🦪花蛤刀削麵湯底一飲就知落足料，花蛤味好重，超鮮甜！花蛤份量都幾多，最緊要係冇沙。刀削麵口感煙韌有咬口，掛滿湯汁，食完成個人暖笠笠~🥩烤牛肉拌飯牛肉烤得香口，醬汁惹味，伴住太陽流心蛋、泡菜同各種蔬菜一齊撈勻，味道同口感都非常豐富，滿足！🦐海鮮韭菜煎餅煎餅邊位煎得香脆，入面有唔少海鮮料同韭菜，點埋特製醬汁，更加提鮮，作為小食非常出色。…查看更多

今天試咗間主打手打刀削麵嘅韓國小店，真係有驚喜！每款都可以加豉油醋，酸度啱啱好，唔會搶味，反而更突出食材本身嘅鮮味。入邊位置係卡位，環境寬敞。前菜係泡菜 酸得嚟唔辣好食👍🏻🍜 牛骨刀削麵 $78湯底濃郁但唔油膩，牛骨香氣滲透每一口麵條，手打麵口感煙韌，吸晒湯汁，好滿足！🥟 大豬肉餃子 $58餃子大大隻，皮薄餡靚，餃子皮比較煙靭！豬肉鮮甜，加少少豉油醋更惹味，咬落仲有小小肉汁爆出嚟！🦐 海鮮韭菜煎餅 $68外脆內嫩，韭菜香同海鮮鮮味好夾，煎得啱啱好，唔會太油，配醋汁一流。🍗 雞髀刀削麵 $78雞髀肉嫩滑，湯頭好甜。刀削麵依然係主角，好煙靭嘅刀削麵，吸晒雞湯精華，食到尾都唔覺膩。…查看更多

上星期同姑姐去元朗行街經過呢間刀削麵醒起先前係銅鑼灣食過唔錯今次叫左牛骨湯刀削麵 $78湯底濃郁，好似飲緊韓國版忌廉湯咁刀削麵有別於平時白色波浪過d個人覺得呢款更有咬口仲滑捋捋牛𦟌份量都唔少～仲有蛋絲＆紫菜好足料烤豬肉拌飯 $78食韓國野點少得拌飯？煎蛋係流心架加埋韓式辣醬撈勻嚟食真心正有香菇、紫菜、紅蘿蔔絲、大豆芽、青瓜、雜菜等，大癲配菜勁豐富再配埋地道韓國泡菜真係無得輸三拼餃子 $88三款餃子既皮都好薄，晶瑩剔透睇到入面爆餡大泡菜餃子＆大豬肉餃子果然夠人，大過乒乓波前者夠辣唔錯，後者一咬爆汁排骨餃子～最纖幼，但最有驚喜，偏甜口好特別牆上面都有介紹，蘸埋醬油醋一齊食，味道更昇華，重點已經調好唔使自己溝，的確更突出餃子既鮮味我地早到左，後面愈來愈多人，滿坐就知道「香港第一間韓國刀削麵」既威力啦～…查看更多