影片
更多
2015-12-15
1862 瀏覽
其實小妹行街既足跡就未達到荃灣既，今日有朋友帶路，原來呢區買野真係好平！百零蚊有件外套！人又唔太多，行得好舒服。買完野都已經八點幾，本來朋友話去兆和茶餐廳，因為佢以前係呢頭練波，話呢間茶記好食又抵食，但小妹真係麻麻地茶記，返工已經五餐有三餐都係茶記，認真食到嘴都歪。見到隔離有間西餐，我就走左入去。由於真係好餓，打開餐牌見到有豬手，立馬要叫！我同呢班朋友仔興一人叫一個dish ，邊個食唔晒，叫嗰個就要包底，本人認為呢種方法先唔會造成浪費，唔夠食先再order，又唔會浪費廚師一番心機。因為我真係好餓，落左個豬手先，朋友隨後叫左個天使麵，pizza 同薯條。遲黎先上岸，最早上枱既係後補order既薯條。估唔到有驚喜，黑松露薯條，新鮮炸起，上枱仲係熱到有煙岀，薯條淋上少許黑松露，即使唔使點旁邊既松露沙律醬已經好好味！雖然薯條真係好肥，但真係好香好好味，我一個人食左成半！之前個煙三文魚pizza 亦上枱，煙三文魚唔會煙得過咸，加上脆pizza底，味道岩岩好，而且擺盤擺得靚，將煙三文魚做成花狀，睇得又食得，唔錯。豬手到！好大一隻！不過一睇，原來唔係炸的，我一見到豬手就冇睇其他，即刻點左，因為本人喜
由於真係好餓，打開餐牌見到有豬手，立馬要叫！我同呢班朋友仔興一人叫一個dish ，邊個食唔晒，叫嗰個就要包底，本人認為呢種方法先唔會造成浪費，唔夠食先再order，又唔會浪費廚師一番心機。因為我真係好餓，落左個豬手先，朋友隨後叫左個天使麵，pizza 同薯條。
黑松露薯條
101 瀏覽
3 讚好
0 留言
煙三文魚pizza
55 瀏覽
0 讚好
0 留言
豬手
38 瀏覽
0 讚好
0 留言
豬手到！好大一隻！不過一睇，原來唔係炸的，我一見到豬手就冇睇其他，即刻點左，因為本人喜歡炸豬手多d. 一個年紀稍大的女侍應捧住隻豬手問我地使唔使幫我切，但又見我影緊相，好細心咁等我影完先拎返入廚房。因為隻豬手有返咁上下分量，如果我地自己處理應該都幾狼狽，加上我根本就唔識點切，所以要讚下個侍應細心。豬手好淋，入味且不會太咸，完全感覺到滿口都係骨膠原，不過始終唔係炸，有小小膩，可能餐廳都知，所以配有大量配菜可以中和返。不過小妹既quota 已經俾左個松露薯條，所以只係淺嘗左兩小件。
虎蝦配龍蝦汁燴天使麵
52 瀏覽
0 讚好
0 留言
整體而言，如果下次行開荃灣既都可以再試個黑松露薯條同煙三文魚pizza,亦期待虎蝦龍蝦汁天使麵個汁係重手d既
張貼
