潮庭 (新都會廣場)

營業中

休息中

記得細細個成日跟呀媽去茶樓飲茶，係我既印象黎講，茶樓同排檔其實冇咩分別，食既野大同小異，味道不過不失，係個環境好排檔小小。然而，琴晚同屋企人食既一餐飯，就改變左我既睇法。我地黎到新都會食飯，係大家都冇乜所謂既情況下，就揀左呢間美心旗下既潮庭。第一個餸黎到份量比預期少，一食落去啲鵝肉有啲鞋，冇乜驚喜，係個晚較為失色既一個。之後嗌左個湯暖下胃，胡椒味好濃，豬肚好爽脆，冬天飲一流呀！正正常常冇咩特別，價錢略貴，算係不過不失啦。呢個不得了！全晚最好食既餸，生蠔超大隻超肥美，估唔到蘿蔔糕同生蠔咁夾，吸哂啲精華超濃味！呢個又係驚喜之作，啲飯粒粒分明，啲臘味亦好足料，食到停唔到口！今餐飯好滿足，原來酒樓都可以咁好食，令人咁有驚喜。