悅滿軒

因為饒宗頤中秋有市集，所以一心諗住行完市集出返去食嘢，無意中發現呢間西餐廳，見到要排隊，八卦就睇吓個餐牌，發覺好似都幾啱食，就問吓有冇位，然後發覺Booking好full，同時walk-in 都好多人要等，雖然要等一陣，但係都想試一試佢佢個Menu有四百幾蚊嘅Full set, 亦都有比較親民嘅價錢百零蚊一個set,每個set都包前菜,湯,main course同餐飲我覺得個前菜沙律個黑醋可以再落多少少🤏個湯係蘑菇湯，咁我覺得個味係濃郁同埋個texture係唔錯嘅，而個餐包亦都有整熱啦咁襯個湯係幾好食嘅👍🏻主菜我叫咗西班牙黑毛豬，先講個豬,烤得唔錯入邊切開仲好有肉汁，而配菜佢有薯角同埋南瓜，咁我覺得兩個都烤得唔錯，係唯一係嗰個粟米就考得熟咗少少乾身左🤏咁餐茶就冇咩好講嘅，我都係嗌咗Standard嘅熱檸茶我啫，不過佢好有誠意,切咗四片檸檬俾我😅最後講一講環境同服務啦，餐廳個室內設計係唔錯嘅，色調以白色同Tiffany blue為主，座位上就唔算迫，但亦唔算闊落而服務方面呢我就俾4.5⭐️，消毒清潔都有做足，咁響防疫嘅期間呢啲都好重要，所以我覺得唔錯，另外，每一個侍應都幾留意你食到咩程度，