稻成 (新城市廣場一期)

營業中

休息中

今日過嚟沙田shopping，行行下見到有一間食酸菜魚嘅餐廳，朋友同我都好食得辣，所以就一于入咗去試吓，唔試都唔知道，原來除咗食物質數好之外，服務的熱情也值得一贊，值得揚贊係佢哋個個待人有禮，臉帶笑容，即使戴上口罩，從佢哋的眼神也feel得到，尤其係店員Silvia,俾我同朋友的感覺係，工作熱情，侍客有禮，有豐富的工作經驗，令我同朋友享受一個愉快的晚餐。冰鎮鮑魚，味道超好，咬落去淋而不柴，特價$78/只酸菜東星班，辣度同麻味配合得剛剛好，$888/條，價錢比淡水鱸魚稍為貴，但口感非常好👍值得一試瓦𦉘紅油抄手$58，味道一般，如果D皮薄D可能會好D椰汁蛋白湯圓$52，蛋白超滑👍椰汁味濃，五彩芋圓冰粉$58，冰粉里有粒粒嘅芋圓，山楂，堤子，芝麻，花生，呢個可能係小朋友嘅最愛總括黎講，此店環境優雅，服務態度好，食物水準高，價錢合理，值得一試。