蘇媽.蘇媽馬來西亞茶餐室

營業中

休息中

放假心血來潮想食咖央多士，即刻去旺角朗豪坊附近嘅蘇媽﹒蘇媽旺角分店比深水埗環境大好多，環境闊落，座位坐得舒適👍🏻天氣好熱，坐低即刻要點杯凍飲，見到差唔多每枱都有杯凍桔仔話梅水$30，我都試吓，微酸少甜的確好消暑😌海南鴛鴦燒麵包$48咖央多除左普通麵包，仲有啡色嘅燒麵包，多一份焦糖香氣，咖央醬好足料，加埋厚厚冰凍鮮牛油，邪惡但充滿幸福感，簡中比自己瘋狂下😂高佬面配仁當牛肉$72以醬油惹味乾撈，食之前拮穿水波蛋令每條麵條都索盡濃郁醬汁，再配仁當牛肉有淡淡椰奶香同辣味，牛肋條燜煮得好鬆化入味，似咖哩牛肉但娘惹，大滿足。