影片
更多
2023-03-06
2271 瀏覽
成日聽人講麻辣鍋好吸引，但對於怕辣嘅我黎講真係好少食，今次同鍾意食辣嘅朋友去食鴛鴦鍋，即使食唔到，都仲有一邊唔辣可以食~入到去侍應拎調味料俾我地嘅同時，提醒我地可以先點咗鍋底先。調味料方面，一共有9種，而精華一定係一少瓶嘅香油！為所有配料提味不少！招牌一手辣方麻辣紅油湯底（中辣）滋潤椰子雞湯［分數：8/10］鍋底揀咗麻辣紅油併滋潤椰子雞湯，麻辣紅卜卜，一送到黎已經聞到嗰種麻香！初時唔算好辣，淥牛肉類感覺最夾～而椰子雞湯湯底入面，仲有好多嫩滑嘅雞件，湯底有淡淡椰子香，仲加入咗紅棗同埋杞子，令湯頭更加鮮甜。海鮮和牛九宫格［分數：7.5/10］賣相精緻吸引，當中有: A4鹿兒島和牛、鮮鮑魚、珍珠蠔丶龍躉片、鰹魚片、花膠、花雕醉三黃雞、五花腩、手切牛頸脊！每款平均有2-4件，一次過可以試到多款野，適合2人享用～最喜歡佢地個珍珠蠔同和牛，珍珠蠔非常新鮮，和牛入口脂香十足！另外，花雕醉雞嘅酒味亦相當香濃！手切牛頸脊［分數：8/10］打邊爐絕對不能決少牛！所以再來一份牛頸脊！牛頸脊雪花漂亮，厚切非常，除了脂香外，肉味香濃。油炸鬼墨魚滑［分數：8/10］可以作為餐前小食或放到鍋入面浸一浸先再食～作為小
成日聽人講麻辣鍋好吸引，但對於怕辣嘅我黎講真係好少食，今次同鍾意食辣嘅朋友去食鴛鴦鍋，即使食唔到，都仲有一邊唔辣可以食~
入到去侍應拎調味料俾我地嘅同時，提醒我地可以先點咗鍋底先。調味料方面，一共有9種，而精華一定係一少瓶嘅香油！為所有配料提味不少！
招牌一手辣方麻辣紅油湯底（中辣）滋潤椰子雞湯
［分數：8/10］
鍋底揀咗麻辣紅油併滋潤椰子雞湯，麻辣紅卜卜，一送到黎已經聞到嗰種麻香！初時唔算好辣，淥牛肉類感覺最夾～
而椰子雞湯湯底入面，仲有好多嫩滑嘅雞件，湯底有淡淡椰子香，仲加入咗紅棗同埋杞子，令湯頭更加鮮甜。
海鮮和牛九宫格［分數：7.5/10］
賣相精緻吸引，當中有: A4鹿兒島和牛、鮮鮑魚、珍珠蠔丶龍躉片、鰹魚片、花膠、花雕醉三黃雞、五花腩、手切牛頸脊！每款平均有2-4件，一次過可以試到多款野，適合2人享用～
最喜歡佢地個珍珠蠔同和牛，珍珠蠔非常新鮮，和牛入口脂香十足！另外，花雕醉雞嘅酒味亦相當香濃！
手切牛頸脊［分數：8/10］
打邊爐絕對不能決少牛！所以再來一份牛頸脊！牛頸脊雪花漂亮，厚切非常，除了脂香外，肉味香濃。
油炸鬼墨魚滑［分數：8/10］
可以作為餐前小食或放到鍋入面浸一浸先再食～作為小食，油炸鬼炸得香脆，墨魚滑帶口感。而放入湯內再食，油炸鬼給滿咗湯底，減少咗油膩感外，仲加咗湯底嘅鮮甜～
寬粉［分數：8/10］
打邊爐最後點都要啲麵食，而我最鍾意就係寬粉，煙煙韌韌，吸滿晒湯底嘅精華，夠晒入味！不過如果放落麻辣鍋，就要小心會太辣！
洛神花茶［分數：8.5/10］
食辣野當然要叫定凍飲，酸酸甜甜嘅洛神花茶，唔只可以開胃，解辣都一流～！
📍📍📍📍📍📍📍📍
劉一手重慶火鍋 (又一城) (九龍塘)
九龍塘達之路80號又一城UG樓37-38號舖
張貼
