劉一手重慶火鍋 (又一城)

營業中

休息中

劉一手宜家有火鍋放題，午市揀咗中上價位$348/位嘅放題。肉類有美國牛小排、黑豚五花腩、美國肉眼蕊、特選黑豚肉、穀飼牛肩肉。揀嘅兩個湯底，鮮蕃茄濃湯酸甜開胃。港式沙嗲湯香濃有層次，花生香好夠，辣度適中。肉類美國牛小排油花分佈均勻。黑豚五花腩都係重點推介，肥瘦適中，落湯滾幾滾就肥而不膩。美國肉眼蕊同穀飼牛肩肉都唔錯，特選黑豚肉新鮮。海鮮叫了海蝦、蜆。其他配料叫了牛骨濃汁牛丸、爽口魚蛋、魚皮餃、韮菜餃、粟米、炸醬鈴、炸魚皮等。海蝦夠新鮮，肉質爽甜。蜆又肥又鮮，冇沙土味。牛丸個牛骨湯味香濃。魚蛋彈牙爽口，魚皮餃同韮菜餃餡料夠實在。魚皮香脆。

劉一手重慶火鍋主打高檔四川麻辣火鍋🌶️之前做開單點，最近改成放題形式，可以90分鐘任食！今次揀咗$438套餐，可以任食日本黑毛和牛、美國牛小排同黑豚五花腩🐷仲有各式火鍋配料一樣可以任食🤩💫 一入座就會送上醬料拼盤，大家可以自由組合自己想要嘅醬料。記得一定要落佢哋招牌嘅麻油，可以令肉質口感更加細嫩，同時有陣陣麻油香氣💫 湯底有四款可以選擇，同時亦可以揀鴛鴦湯底。四款湯底包括皮蛋芫荽湯、正宗重慶經典麻辣湯、港式香濃沙嗲湯同鮮蕃茄濃湯！麻辣湯係必試！麻香辣味勁過癮💫 日本黑毛和牛口感好軟嫩、入口即溶咁，仲有陣陣嘅油脂香氣😛美國牛小排肉質細緻，牛味同樣突出～K不停encore吖黑豚五花腩好彈牙！💫 配料方面，肉類有鮮牛舌、鴨血、牛骨髓、豬頸肉等等；海鮮必食鮮海蝦😛嚟到都仲郁吓郁吓咁，勁新鮮！仲有大大隻嘅大蜆同埋好彈牙嘅水魷魚🦑丸類同蔬菜都有唔少選擇！較少見嘅竹笙都有！炸魚皮、鮮腐竹、響鈴，萵筍、薯仔片、蓮藕片等全部都勁岩用黎索湯🤩主食有紅薯粉、出前一丁、日本稻庭烏冬同埋重慶小面！試左重慶小面質地幾有咬口，配埋麻辣湯真係好鬼正🤗💫 餐廳行開高檔路線，所以店員啲服務都好周

現在有火鍋放題，90分鐘任食，4款湯底選擇。重慶經典麻辣湯又麻又辣，辣得過癮紅油不算太厚，但辣味越食越香，加入麻油更香更順喉。鴛鴦鍋同朋友一齊分享更開心，蕃茄湯酸中帶甜味，好開胃。日本三角和牛切成長條形，油脂特別豐富，油味濃，香軟嫩滑，滿口油胸香。美國牛小排 油脂分布平均，口感爽滑。美國肉眼蕊 油質較淋，肉味都香。穀飼牛肩肉 大片好口感，油脂少。還有多達50款火鍋食材選擇，功夫腰花、牛骨髓滑溜，鮮豬膶不鞋口，鮮海蝦肉質彈牙，大蜆鮮味無沙，鴨血配麻辣特別香，牛骨濃汁牛丸爆汁。白蘿蔔、紅薯粉吸晒湯精華，兩個湯底配合，香酸辣，好惹味。

平時都有食開劉一手餐廳本身行高檔川菜火鍋路線食材夠新鮮又高質素冇諗過依家轉咗放題之前都有食開佢呢個三角和牛所以依家都叫返呢個質素嘅放題四百幾蚊就可以任食其實真係好抵三角和牛其實係牛腿肉之中三角形嘅部位肉同油脂比例均衡Marbling好靚同時肉味濃郁所以可以同時享受到香濃牛肉味道以及入口即溶嘅感覺任食除咗肉類之外仲有好多其他選擇當然唔少得海鮮我超級推薦佢嘅大蜆同埋水魷魚水魷魚烚兩烚上口鮮滑彈牙大蜆亦都係開咗殻就可以食鮮味十足入口即溶嘅感覺足足嗌咗20隻！呢度嘅放題可以叫兩個湯底我就揀咗香港沙嗲味同埋蕃茄味兩種湯底都好濃郁啲食物抌落去煮基本上唔使再加豉油調味料！

又一城可以打邊爐既地方唔多，得一兩間餐廳可以揀，呢間劉一手完全唔使等位，其實唔book都可以walkin，當然啦，食完就知點解唔使等。閒日晚入去打邊爐，客都係得幾台，出面冇人等位，一到90分鐘就趕人走，我地話食埋淨底淥緊果啲野食就走，仲話已經過左鐘，要我地離開，咁冇辦法啦，浪費食物都要走，人地有規有矩，跟足係岩既。野食質素ok，不過啲服務態度真係不敢苟同，價錢唔算貴，但係食過一次就算，呢間野真係冇下次。

劉一手食過幾次，之前一直都係晚市先會黎打邊爐。最近調左係附近返工，係無乜選擇嘅情況下，所以通常都係又一城搵野食。第一次食佢地嘅午餐，揀左香辣炒群肝豬腩飯，揀左小辣岩岩好，味度亦唔錯，飯量絕對足夠，一開頭見甘大碗飯，驚自己食唔晒，但配餸食，我竟然食晒，仲要覺得可以再多小小飯🙈另外飲品嗌左珍珠奶茶🧋好飲，珍珠亦有嚼口，贊不過員工真心小，比我以前晚市黎仲要小左，跟本忙不過來，好在qr code落單，唔洗等員工落單，慳唔小時間，下次再試埋其他午餐，再上黎匯報

午市時段去又一城劉一手重慶火鍋吃午餐🍲, 午市有一人火鍋午餐，價錢$118起，點了一手盟錫羊肉片，羊肉不錯重慶小麵挺好， 味道像奶油麵甜品有桂花杞子小豬大菜糕，造型很可愛飲品選了酸梅落神花茶湯底選椰子雞湯，但是味道不是太突出醬料要另外每人付$15，只有一人要醬料的話，全枱每人都需要付$15午市時間客人不多，餐廳仍未坐滿但員工人手少，要等待職員來才能下單 餐廳沒有提供手機下單的選擇，一定要人手下單。地方挺好坐

Friday night見間間餐廳都好full要等勁耐, 呢間唔洗等位就諗住試試佢(其實星期五晚都唔多人已經係一個signal), D員工好似好唔想接生意咁, 問門口做接待個女職員有冇menu望下, 佢竟然話冇, 要坐低先有QR code睇電子menu (好似想搏你唔會入去食咁🤨), 但當時好攰唔想再揾其他餐廳, 所以照入去食…點知一坐低果下佢竟然可以拎到張實體menu岀黎🤔之後我地用手機落單, 上菜個黑衫四眼男人又係黑口黑面同粗粗魯魯咁上菜其實本人對香港服務業已經冇乜要求, 如果正正常常有少少禮貌都已經心滿意足, 可惜呢間舖嘅員工好似當客人入嚟係欠咗佢咁,仲要價錢都唔係平,兩個人食咗9百幾蚊,食物質素都只係不過不失(畢竟打邊爐都唔洗講咩廚師手勢果d),但呢個價位可以揾到更好嘅選擇實在太多,難怪本地飲食界經常話個市唔好,本地人都寧願去其他地方消費,其實好多野都係自己一手一腳做岀黎,企業管理者唔睇網上有咁多bad comments, 亦唔安排神秘顧客了解前線士氣同改善服務質素,咁就祝大家好運。

香辣炒郡肝豬腩片，啲食物用雞湯煮完，之後就咁落辣椒油，唔香得死辣，餐牌話菜式係炒嘅，黎到有湯，好似水煮咁，我認知嘅炒菜，唔係應該最多會多啲汁咁？🤢麻醬雞毛血旺，冇麻醬味，冇辣味，菜式好似用雞湯煮完，調吓味就算，重點係調完味都冇味。。。

已經多次幫襯依間分店對上一次去食，同店員傾開計其實都幾戥佢地慘好多食評都話佢地服務態度差講真 服務態度差，我就唔會1個月去幾次之前係臉書睇過啲餐廳黑X群組其實而家啲人要求愈黎愈高郁下就話餐廳點點點睇完真係無語。。。今次食左店員推介嘅二人套餐由於一早已經係佢地會員所以係用會員價食掛住同朋友傾計，食物相唔記得影2個人食非常足夠最愛依然係麻辣湯又係滿足嘅一日 感恩

今晚1月31日晚來吃飯，三位，現投訴黑衣女士負責人態度非常惡劣。當時餐廳只有1-2檯，負責人在介紹餐牌時語氣不耐煩，說沒有折扣，除非7點離座。然後說套餐只有4人，我們要求看二人套餐餐牌，對方直接指出三位不可以點2人餐，必須額外點2-3個主菜。真是聞所未聞，這種政策、這種員工和態度，怪不得晚上7點幾得幾檯。絕無下次，希望各位慎重。

一踏入呢個餐廳，無論係裝修定係坐位都夠晒舒服，啱晒聚會撈到開心。嗰啲自家麻油真係正，解辣得嚟又添香，琴日試咗佢哋嘅麻辣煲，選咗中辣，但其實都唔算辣得點，啱啱好。個鍋底加咗芝士，滑哋哋嘅口感加埋香味，正到爆燈💥。撈嗰盤招牌牛肉四重奏，真係值得一讚👍！A4牛肉咬落鮮滑得意，尤其係嗰款A4嘅，脂肪比例啱哋哋嘅。至於美國牛肉，又係另一回事，感覺得到嗰種純牛肉嘅鮮味。配麻辣煲一流，好過癮！點咗份照燒豬肉片，豬肉已經好惹味，好快熟，一啖嘅肉香夾帶微微醬香，啖啖肉，令人一試難忘。丸丸拼盤🍢嘅彈牙口感都讓人難以抗拒，五款丸中最鍾意嗰爽口魚蛋同墨汁花枝丸，新鮮得嚟又彈牙。明太子墨魚滑可能因為之前嗰麻辣，味道冇咁明顯，但都算得上清新。佢哋嘅蔬菜拼盤，種類豐富多彩🌈，無論係顏色定係口味都好滿足，啱晒追求健康嘅你。整體嚟講，呢間餐廳提供嘅唔單止係食物，仲有個愉快嘅食飯經驗呀！

今日一於行下樂隊，對著我面前個火紅麻辣鍋，我同我個朋友開show喇！🎶鴛鴦鍋入面，麻辣鍋邊直頭辣到飛起，但夠哂香，椰子雞湯呢邊就滑順得滯，細細杯椰香掛住邊，飲口湯都覺得舒坦。手下留情嘅A4和牛一入口，嗰肉味同脂香嘅混合曲夠晒撩味，而珍珠蠔滑得出水，食落順滑得嚟又爽口。🐚手切牛頸脊再上場，厚切得黎有咬口，玩味十足，真係肉食愛好者嘅必試item！等陣，唔好以為食火鍋就無前菜啊！油炸鬼墨魚滑外脆內軟，脆到彈牙，沾少少麻辣湯汁，轉身變出戲味十足嘅湯品主角！😋最後千祈唔好錯過寬粉，細路子般嘅韌性配上麻辣溝湯，真係霸氣側漏，食完後個世界都明亮起來！食得辣口渴？洛神花茶就黎拯救！順滑稍帶酸甜，解辣無難度，餸同飲品完美和弦，過癮到講唔出嚟。今晚真係食得舒服，滿足到唔行啦！🥳

入餐廳前已經睇到openeice一堆負評，但心存僥倖，諗住未食過都想試下。服務超差，個個職員好似你黎乞食咁，唔會當你係顧客。真心，我去澳牛態度都無咁差。諗住今次試下食麵先，好食下次再食火鍋，始終佢火鍋都幾貴。點知個男職員一聽到就話：［食麵？食麵坐出面呀嗎！ 又唔講！］原來餐廳分2邊，打唔打邊爐係分開坐。喂，大佬你係到做就知啫，我鬼知咩。我忍唔住話：［咁你帶我地入黎個陣，你都可以問啫。］就係呢句之後就出事。無比過好面色。我叫左個小麵，bb 辣，朋友叫酸菜魚，凍的竹蔗茅根。嘩，黎到個bb辣小麵係辣到痴肺。我朋友係潭仔食開中辣，都勁，都差d食唔到，好吃力，佢話好辣。有咩可能叫bb辣，黎個中辣以上？叫男職員黎，佢話佢地個辣係咁，無得換。好勉強咁食，想要杯水。無，話一支22蚊。想要冰。無，話餐廳無冰。加一，人均150。係自己揀入黎，中伏無野講。

放假諗住同媽咪出嚟食餐飯見到呢間好似都多分店就諗住試試佢啦落完單火鍋嚟到 電磁爐又開唔到想叫人幫手開 啲職員叫極都冇反應服務態度就唔係唔好 係極難搵到人服務你囉食物就仲’出色’鵝腸 黃喉 牛柏葉 毛肚 冇一樣係正常係連正常都稱唔上豬腦 嚟到一夾好似水咁呢單野唔係唔好食咁簡單 係好難食得啲蔬菜類同埋份午餐肉係可以稱得上正常少少我哋就唔係啲咩大客 埋單都係六百零蚊但係呢個價錢 我有更好嘅選擇囉食啲咁嘅質素嘅嘢唔好意思 冇下次