嫲嫲辣辣 (已結業)

厚福街川菜好選擇！佢仲有好多唔同款式嘅砂鍋菜，熱辣辣而且真材實料。🔸砂鍋沸騰香辣黃牛肉$118黃牛肉軟腍又有啲筋膜咬下，肉味好濃郁。湯頭第一啖唔算好辣，但係都幾有後勁，非常之惹味。🔸砂鍋冬瓜腐皮雞蛋嫩肉湯$88好足料好多肉片！溫和暖胃，有種令人越食越想食嘅魔力。🔸辣子雞$88雞肉用油爆得好香，皮脆肉嫩，炒得又夠乾身。我哋揀咗BB辣，望落好多辣椒，但唔算好辣喎。🔸鹵香雙拼（牛肚、鴨腎）$78勁大碟好抵食！兩款都滷得好入味。🔸嫲嫲干鍋自選 (晚市5 餸) $138八爪鬚、鮑魚、豬頸肉、鴨下巴、秋葵呢個價錢好抵，仲要揀咩餸都得。我哋揀咗醬燒，辣度好低。配料好掛到汁，同埋好有鑊氣。