影片
營業時間
今日營業
12:00 - 16:00
18:00 - 22:15
星期一至日
12:00 - 16:00
18:00 - 22:15
以上資料只供參考, 請與餐廳確認詳情
相關文章
朋友話想食辣，到左尖沙咀的嫲嫲辣辣食晚飯。店內挺濶落，冷氣十足幾好坐。用枱上qr code落單，好多野想食，一口氣點左好多，事後覺得衝動左😂哈哈。⭐自選乾鍋點左微辣的麻辣口味，餸就揀左五花腩、午餐肉、雲南花菜、炸蓮藕片、淮山，上枱超快喎，一開蓋個陣麻辣味就飄出黎，勁香呀🤤雖然好多辣椒，但微辣入口真係唔辣嘅，朋友覺得啱啱好，自己就覺得可以辣多少少。乾鍋可選嘅配料好多，葷素同價，視乎個人喜好了。⭐砂窩麻辣肥腸爆鮑魚再黎一個砂窩菜，呢味又係不得了，一開蓋陣香味勁霸度，口水直流呀！肥腸外面焦脆，內邊肥滋滋有咬口，真係齒頰留香。明知道係唔健康之物，但真係食唔停口🤤鮑魚爽口彈牙，吸左豬油勁鮮味。⭐麻辣豬耳又叫左個涼拌菜麻辣豬耳，醃得勁入味，辣但好上頭，越食越香喎。⭐萵筍炒牛肉最後要返樣唔辣嘅炒菜，萵筍牛肉，牛肉軟嫩萵筍爽甜，係略鹹少少，配個白飯啱啱好。⭐酸梅湯 & ⭐烏龍茶咁重口味唔少得點飲品啦，小店只有樽裝野同啤酒，可以揀凍或唔凍。叫太多食唔晒，包走聽日加餸先😋
繼續閱讀
最近成日都想食辣，但係去過好幾個地方都食得唔夠過癮，好彩有老公提醒不如去尖沙咀 #嫲嫲辣辣，以前返工成日都去食，一諗起個熱辣辣砂鍋，同埋成間餐廳充斥的辣味就已經流口水涼拌麻辣花甲 │ $68滿滿一碟花甲，麻香味濃仍不失花甲鮮味，餸酒一流椒鹽鴨下巴 │ $75成日都聽人講想餸酒一定要試鴨下巴，第一次試食，果然係滿滿驚喜，皮香肉嫩砂鍋秘製香辣爆三腸(菊花腸、竹腸、肥腸 ) │ $108平時都係食開肥腸，見到有爆三腸覺得好特別又忍唔住試下，菊花腸同竹腸脂肪相對較少，比較爽脆，我特別鍾意菊花腸夠爽脆，一鍋就可以試齊三款爽脆煙靭口感砂鍋薑葱肥腸爆鵪鶉 │ $108有辣有唔辣任君選擇，盡情食辣之餘都要照顧小朋友胃口，見到有佢至愛的鵪鶉又點可以放過，雖然唔辣但係用秘製醬汁煮過依然非常惹味，淨係一隻鵪鶉就已經撈咗一大碗飯，小朋友不停舉起手指公大讚Yummy Yummy自選5餸干鍋 │ $138有48款菜式可以選擇，口味就有香辣、麻辣、孜然同醬燒份量十足，今次就揀豬頸肉、四季豆、肥腸 、豬脆骨、田雞，全部都好入味，香辣夠過癮整體菜式選擇超多，無論食唔食辣都會揀到心頭好，另外仲有砂鍋湯品睇落去都勁吸引，如果冬天飲返碗熱辣辣的湯，肯定暖心又暖胃
繼續閱讀
乾鍋非常惹味，超級推介！ 我哋次次都+10幾款嘢食，田雞係非常之出色！牛肉片羊肉片撈埋落個乾鍋真係一百分，我哋叫親都係小辣食落啱啱好適合香港人口味，好可惜係呢排晚市已經冇乜人幫襯！希望佢多啲生意可以繼續做落去
繼續閱讀
今個星期經歷咗春夏秋冬，凍冰冰嘅天氣最啱食辣嘢！呢間係厚福街真係好多好多年，幫襯咗好多好多次✨鹵香雙併既然都要食辣嘢，所以前菜方面就揀咗一個滷水牛肚拼鴨腎，調味非常之濃郁，色澤亦都睇得出醃製嘅時間～牛肚同鴨腎都屬於爽彈口感，底部更加加上咗青瓜🥒添✨雲南花菜炒脆魚片 特色小炒多大達40多款，最後揀咗又有菜又有魚嘅呢一款。炒起上嚟唔算太油，感覺到鑊氣十足，特別係個魚片爽彈嘅口感真係好正！✨五餸乾鍋餐廳嘅乾鍋用上瓦煲，熱辣辣之餘更加充滿着鑊氣！今次揀咗五款菜式：牛肉片、紅薯粉、八爪魚鬚、花甲、炸蓮藕片。總括嚟講可以選擇嘅配料都非常之多，而且海鮮、肉類、蔬菜類都涵蓋唔少！想讚一讚佢嘅滑牛片，非常之軟腍；花甲亦都冇食到沙石；紅薯粉煙煙韌韌特別惹味；八爪魚鬚爽口！不過要比較小心就係一上枱嘅時候會比較熗鼻喉。✨砂鍋胡椒竹腸皇煮滑雞湯天氣轉涼有冇暖笠笠嘅胡椒雞湯就最適合暖暖身子，裏面嘅竹腸細細粒，完全冇任何嘅腥臭味，而且口感好煙靭，加上大大件滑雞肉，值得一試。✨砂鍋泡椒生蠔滑雞本身比較擔心泡椒嘅味道會有點濃，但係食落去辣到唔係好高，生蠔大大粒夠飽滿，滑雞肉亦都預先醃製過，味道有啲似雞煲！
繼續閱讀
尖沙咀厚福街出名好多嘢食，今晚同細佬行街行到食飯時間，見到新開咗一間四川菜，叫"嫲嫲辣辣"!細佬話好耐冇食過四川菜，建議入去試吓!我哋叫咗一個5餸嘅自選干鍋（微辣）$138- 脆魚片、豬頭肉、黃金脆魚旦、油麥菜、滷羅白兩個砂鍋菜 砂鍋淮生杞子嫩肉湯$88- 超級多淮山，足料，肉湯肉味夠濃郁，真係可以飲到一啖不留! 砂鍋薑蔥生蠔爆雙雞$108- 姜蔥爆得好香，鍋內有足料嘅田雞同滑雞，啖啖肉，好入味特色小炒蒜香小排骨$88- 排骨粒粒都算肉厚又脆口，而且好香蒜香味，小炒夠鑊氣涼菜麻辣豬頭肉$58- 麻辣嘅豬頭肉，配上清新嘅青瓜，少少甜酸醬汁，食落非常開胃酸梅湯$17竹蔗茅根$17
繼續閱讀