夜貓。燒

營業中

休息中

呢間燒烤店好特別, 入到去唔係幾覺有油煙, 可能個抽風做得唔錯, 所以係度食野都幾舒服, 唔似出面有d舖油煙多到火燭咁🤣講返野食, 我地叫左牛肉, 豬頸肉, 墨魚咀, 大雞脾, 豬大腸, 司華力腸, 蟹肉蟹膏甲羅燒😋每樣野食都燒得唔錯, 火喉岩岩好, 唔會話燒到好硬好乾憎憎, 牛肉同豬頸肉燒完個味好出, 肉質爽口好juicy, 司華力腸夠大條夠飽肚, 個皮燒得幾脆, 墨魚咀出面較少見, 同樣咬落幾爽口彈牙, 雞脾又係大大隻, 個人認為性價比最高, 整體質素都幾好😍另外, 我覺得個辣粉做得幾出色, 所以每樣食物都有叫小辣, 令到d野食更加香口😉