斑蘭

營業中

休息中

今日送FD到九龍站坐機場快線，睇到哩間鋪頭唔錯，咁試試。店鋪裝修得好型格，晚市都可以安排四人位置，坐得好闊落。晚市提供數款雙人套餐，不過FD仲有飛機餐可以食，今日求其叫幾款試試。越南傳統炸春卷，春卷即叫即整，送上來仲熱笠笠。春卷皮好薄同埋好脆口，內裡有胡蘿蔔豬肉等，點埋春卷汁一齊食好好味。仲搭配埋生菜，卷住春卷一齊食好新奇。黑毛豬腩肉（街頭串燒），燒烤逼出豬腩肉油脂，食落腩肉微帶焦香，又唔會覺得好油。搭配嘅醬汁酸甜香辣，同豬腩肉好夾。泰式街頭火山排骨，排骨比我同FD啲臉都要大。排骨睇落好瘦，其實都食到好多肉。醬汁落咗大量辣椒，食落真系有少少辣，不過辣得好過癮。同埋哩間調味落咗少少薄荷葉，食落有薄荷清香，唔錯。