Cambo ขุนทอง (The ONE)

營業中

休息中

係The One 呢間 Cambo每逢食飯時間都好爆，今日晏咗少少食飯唔洗等即入真係好彩。除咗佢招牌嗰幾味，平時食開有幾款菜式都幾好食。咖喱炒大蝦呢一味其實係咖喱炒蟹嘅大蝦版本，大蝦已經切開兩邊，食嘅時候唔洗用手，非常方便之餘，咖哩汁本身已經俾蝦肉索晒，成隻吮就最惹味。咖喱汁勁多雞蛋，唔會好辣，最好梗係叫個印度薄餅、蒜蓉包或者一個飯撈埋汁一齊食。無骨海南雞飯海南雞無骨，肉質淋滑之餘，皮仲好爽彈。午餐有埋湯、飲品同埋雞油飯，個飯又可以撈咖喱蝦汁，一舉兩得。西米糕最後唔好錯過嘅係西米糕，比起平時坊間食嘅高出一個水平。面頭椰汁濃郁，下面西米棉滑，仲好濃芋頭味，仲有少少粟米加啲口感，過嚟一定要試。